Muhna Maan
@ A siamloh khat na theih mah bangin, a siam pen zong theih sak in.
@ A siatna na kawk theih mah bangin, aphatna zong kawk thei in.
@ A gitnatlohna na gen sak mah bangin, a ginatna zong gen sak in.
@ A thanemna na muhsak mah bangin, a thahatna zong muhsak in.
@ A haina na theihsak pih mah bangin, a pilna zong theihsak pih in.
@ A muhdahhuaina na muh bangin, a ithuaina zong muhsak in.
@ A gitlohna na muh bangin, a thusiamna zong muhsak in.
@ A mibatlohna na muh bangin, min a batlohna zong muhsak in.
Tua hileh na MUHNA hong MAAN pan ding hi.
1. A hoihlohna bek gen thei in, ahoihna gen ding na thei kei ahi a,
2. A hoihna bek gen thei in, a hoihlohna gen ding na theih kei ahizong
A nih in na MUHNA Maan Nailo cihna hi gige hi.
“Panpih ngeiloin a lang bek na pan den leh a hoihna na mu thei kei ding hi.”
“A langkhat lam pan na etsak bangin, ama lam pan zong etsak zel in.”
“A hoihlohna na tangko bangin, ahoina zong tangko sak zel in.”
Sik leh sik mah, tungman leh tungman mah a kigawm theih bangin,
Sialvom leh sialvom kingai-in, uk kibang teng a kipawl theih mah bangin,
Itna in itna mah muin, muhdahna in muhdahna mah mu a,
Hoihna in hoihna mah mu in, siatna in siatna mah mu hi.
Mi khempeuh a HOIH KHIN/ASIA KHIN kuamah omlo ahih manin
– Mi hoihlohna na tam muh leh a hoihlo taktak NANG nahi zaw dinga,
– Mi hoihna na tam muh leh a hoih taktak NANG nahi zaw ding hi.
– Mi na muhdah leh amuhdah huai taktak NANG na hi zaw dinga,
– Mi na it leh a ithuai taktak NANG na hizaw ding hi.
JK Kam
Comment piaknop aomleh...