Zomi PESTEL Talk nuamtak kizo
Tuni Zomi PESTEL Talk nuam tak in ki zo thei hi. Hun te Tg. Dal Sian Amm in hong makaih in PESTEL acih hong gen hi.
Amasa in Lia Biak Sung in Social Work tawh kisai hong gen in tha ki ngah mahmah hi.
Anihna ah Dr. Thang Pian Thawn in Formal Business tawh kisai hong gen in ih mit hong vak sak tuam mahmah hi.
Athumna ah Dr. Nem Khan Dim in Digital Technology tawh kisai hong gen in ih dot kik ding bang ki thei pha lo hi.
Atawpna ah Rev.Dr. Do Suan Mung Leadership tawh kisai hong gen in tha ki ngah mahmah hi.
Hun man ciang in Tg. Thawn Khai in lungdam kohna hong nei hi. Tuni in Zangkong Zomi khangno sung pan in mipil misiam tampi tak hong pai ahih man in lungdam hang. Mi pen 100 val kipha in 85% pen khangno te ahih man in kilungdam diak hi. Athu aki cing in asawtlo in Youtube pan hong ki khah ding hi.
Note: U Ghin Mang zumvai manlahna hang in tuni hong kihel thei lo hi.
Gamkhat, minam khat khangto, picing i cihciang na mitkha ah bang na mu uh tam?
Khantohna, picinna te i tehciangin muhna, lampi tuamtuam om thei hi. Tuabangin ettelna tampi lakpan PESTEL Model zong khat ahi hi.
PESTEL icih bang hiam?
PESTEL i cihpen 1967 kumin Fracis J. Aguilar in sumbawlzia mailam kalsuanna ding ngaihsutna ah na mukhia masa hi. Tua nung akipanin leitung bupah hong kizangh toto hi.
Hih PESTEL cihna sungah
- P = Politics (Gtn. Kumpi policies, elections, party, lobbying akipan…)
- E = Economics (Gtn. Exchange rate, inflation, deflation, taxation, jobs opportunities akipan…)
- S = Social (Gtn. Demographic and population, education, media, culture, religions, history akipan …)
- T = Technology (Gtn. Access to technology, patterns and impacts of technology uses, akipan…)
- E = Environment (Gtn. Climate change, flooding, water supply, droughts, landslide Gtn.)
- L = Legal, (Gtn. Human rights, legislation impacts akipan…) cihteng kihel hi.
Hih atunga thubulpi 6 teng amau muntek ah, kihual tak le alangleek-diak omlo-in hong khantoh uhciang bekin agui-cing khantohna hong piangthei panding hi.
Bang hang in Zomi PESTEL Talk kibawl hiam?
Atunga thute siksan in abeisa, tuni le mailam hun gam le minam dinmun siangtak le guicing takin sittel zawhna ding le ahoihzaw mailam ah mai-nawt theihna ding ngaihsutna thak le thalawpna thak hong piankhiat theihna ding hih Zomi PESTEL Talk hong kipankhia hi.
Amasapen Zomi PESTEL Talk pen a nuai a hungeelna bang in kibawl ding hi.
- Ani: September 29, 2018 (Kiginni)
- Ahun : 10:00 Am – 12:00 Noon
- A mun : Upper Room New Life Church
- No. 45. 1st Floor, 45 Street, (YMCA Gei)
- Botahtaung Township, Yangon.
Zomi PESTEL Talk tawh kisai contactna ding:
- Tg. Thawn Za Khai 09 898745557
- Tg. Dal Sian Amm 09 971105095
- Dr. Sian Nun Siam 09 970474094
- Dr. Thang Sian Sing 09 979378476
Sian Khan mang says
Gamdang a teng Zomi ta ding zong han ciam huai mahmah thu hi.