Chinese Company khatin Logo vaitawh Apple Company te thubawl

Chinese Company khatin Logo vaitawh Apple Company te thubawl

China gamsung aom puansilh abawlkhia Company khatin Apple Company te Copyright vaitawh thubawl uh cih Xinhua News te’n genkhia hi. Thu abawlna avaipen Apple App Store ah abeisa in azat uh Logo pen athaktawh alaih uhciangin China gamsung aom Clothing Company khat ii Logo tawh kibang ahih manin tua Company te’n thu abawl uh ahihi.

Tua Chinese Clothing Company pen KON kici hi. Amau Company pen akipatzawh 2011 pan hi a, tuahun akipan azatzatsa uh Logo pen nungdiakin Apple App Store te’n zatpih uh ci’n thu abawl, Copyright Infringement vaitawh zum atun uh ahihi.

Hihvai hangin KON Company te’n Apple Company te thu abawl uh hi a, Beijing City sung aom Dongcheng District People’s Court te’nzong hihvai Lawsuit thukibawlna hongkipuak mahhi ci’n genkhia uhhi.

KON Company te’n liausum dingin Chinese Yuan 100,00 (US$15,200) ngen uh a, tuaban ah mipi zakdingin thuumna “Public Apology” hongbawlhen ci’n genkhia uhhi.

Apple Store leh KON Company te ii Logo pen kibatnakhat neimah uhhi. Abeisa in Apple te’n azatlui uh Logo ahihleh Pencil, Ruler, Brush cih namthum tawh Triangular Stick Design abawl uh ahihi. Ahi zongin tukum in Release abawlthak uh iOS leh MacOS Devices te ah Logo pen puahpha in, KON Company te Logo tawh akibangpian hongsuak ahihi.

More: iPhone 6s te Battery nawngkaina om ahih manin, Apple te’n Recall

KON Company pen Beijing City sung aom hi a, khangno te mitsuan, ngimbawl in puantuamtuam abawlkhia Clothing Company khat ahihi. Apple Company te’n hihbangdan Copyright Infringement vaipen tuakthei zeuhzeuh uhhi. iPhone vaitawhzong Samsung Company tetawh Technology ki guksak ci’n thu kibawlngei uhhi. Sawltak #zomidaily