ZCRC pan nasep pulakna le huhngetna

Zomi COVID-19 Response Committee (ZCRC) pan nasep pulakna le huhngetna

Leitung mun tuamtuam ah COVID-19 pulnatna hangin nisim nuntak khuasak zia angei bang lo thu tampi hong om hi. Nekledawn haksatna, sumlepai zonna ah haksatna, lungsim thazawmna leh dipkuat patauhna cihte a kipan vai tampi hong kilamdang hi.

Tuate sung panin Myanmar gamah tulaitak i buaipih leh vai thupi diak khat ah kumpi sangte hon theih nading in, Tan (10) sangte ah cidamna lam thuneite in Level “A” “B” “C” tawh ciamtehin Level “A” ngahte bek kumpi in sang hongsak hi.

Zogam, Zomite omna khuate ah Level “A” ngah Sangpi hong tamloh manin i lung hong nuam hetlo hi. Mailam a i gamle-minam hong makaih ding naupangte sang kihong zolo hong om ciangin ZCRC in sang hon theih nading akisam van nam (10) te Global Zomi Alliance (GZA) leh Khit Thit Foundation tawh kipawl khawmin kihanciam a, Zogam, Zomite omna khuate ah Tan 10 Sangpi (24) bang Level “A” ngah in kihong thei pah hi.

A ban ah Tan 8 sangte (Middle School) hon ding thu hong om leuleu ciangin ZCRC meeting kinei a thu khentatna a nuaia bangin kinei hi.

1. ZCRC in sang omna khuanu khuapa leh sangnaupang nulepa te mahmah in ih hanciam na ding in tawsawn aa thapiakna tangkona nei ding. Leitungbup a om Zomite tungah huh ngetsak ding. (Ahih theih le mundang/ gamdang a omte in i khua a Sang kihon zawh nading in ZCRC tawn in maw ahih keile i khua ciat tawh maw kizom in huhna i piakciat nading kilunggulh sak mahmah hi.)

2. ZCRC in Level “A” ngahzawh nading akisam vante a tawm thei penpen in leitheih nading vai hawm pih ding.

3. ZCRC in van leiding hamsatna a om le ahi thei bangin huhin panpih ding.

Sang Level “A” ngah a hontheih nading a kisam vante; – Thermometer le Mask pen kumpi lampan vaihawm sak ding uh hi.

A khuakhua ciat in vanding a kisam vante;

• (1) PPE – 5
• (2) Khedap ngawngsau – 5
• (3) Apron – 5
• (4) Face Shield – 5
• (5) Cap – 5
• (6) Khutsilna tuikuang – 1
• (7) Glove – Box 1
• (8) Dust bin – 5
• (9) Hand gel – 5
• (10) Lungno kapna zatui – 2
• (11) Goggle – 5
• (12) Lungno kapna – 1

Sang phazah;

• Tedim : BEMS – 35, BEMS(B) – 13, BEPPS – 43
• Tonzang : BEMS – 15, BEMS(B) – 5, BEPPS – 15

Kizop nading;

• 1. Pa Kam Suan Mung, Phone/ viber No. 09400311770, FB: Kam Suan Mung
• 2. Pa Lian Khan Tuang, Phone/ viber No. 09423003760, FB: Lian Tuang
• 3. Tg Lian Suan Piang, Phone/ viber No. 09259185056, FB Lian Suan Piang

Pa Lian Khan Tuang, President – Zomi COVID-19 Response Committee (ZCRC)