Tuisung ganhing lamdang Kraken ~ Pau Tun Thang

Tuisung ganhing lamdang Kraken ~ Pau Tun Thang

Tuipi (Ocean) sungah ganhing lamdang mah mah tampi om hi. Ganhing nam thak kimuhkhiat beh zel hi. Tua banah muhkhiat beh lai ding zong tampi om tuak hi. Tuaciangin khuamuala gamsa tem ah bangin nidanglaia om tuhuna om nawn lo tampi mah om hi. Tuma pek pan in tembaw miten nalamdang tampi na mu zel zel uh hi. Nidanglai tembaw miten a lau mah mah uh Octopus tawh akibang tembaw zong a tumsak thei ziau a kigen pen Kraken ahi hi.

Tangthu ah Kraken pen octopus tawh aki bang a gol mah mah, ban tampi a nei hi in tuipi sung munthuk ah om hi.a ban tawh nidanglai tembaw puanzaak te susia in tembaw tuisungah tumsak thei hi. A mi tuangte zong ne zel hih tuak hi.Hih dana tuipi sunga sa lian pen tangthu bek hi lo in tembaw tuang ten na mu ngei uh hi.

A lamdang thu khatah ngasa man ten whale a mat ciangun octopus suckers sulnung mu zel zel uh hi. Tuaban suckers nei thei pen Kraken cia bang a phak kuul him him hi.

November 30, 1896 in St Augustine, Florida, USA tuipi naak ah gamsa lian mah mah luang khat tuipi nawlah hong lenkhia hi. Mipi tampi in lamdang sat akin en ngeingai uh hi. Hih pen octopus tawh kibang in a ban bek zong 60 metres bang pha hi. Leitunga Octopus lian pena kigen zong a ban metres 7 khawng bek pha hi.

Tua ahihmanin nidanglaia kigen Kraken luang hi pelmawh ding hi. Yale University a Biology Professor Addison Verill in endik hi. Tuaciangin Octopus lian te luang ahihlam pulaak hi.Mi tampi ten um lo in nuihsan mawk uh hi. Tuaciang aman zong Sperm Whale gilpi muat hi ci kik hi.

Ahizongin kum 1957 in a sa them Smithsonian Institute a kikoih American Biochemist nih Dr.Joseph Gennaro leh Dr.Roy P. Mackal ten endik kik uh hi.A cellular structure leh Composition pen octopus tawh kibang lian cih mukhia uh hi. Hih thu hangin tuipi thuk sungah ganhing lamdang tampi om dingin ummawh huai hi. Pau Tun Thang