China Port City khatah apuakkham omin, mi 2 si, aliamzong tampi om

China Port City khatah apuakkham omin, mi 2 si, aliamzong tampi om

China gamsung aom tuipinawl khuapi Port City khatah tuni Sunday (Nov 26) ni in apuakkham om ahih manin, Building pawlkhat kicim in asi leh aliamzong pawlkhat om cih SCMP pan kiza hi. Tua apuahkhapna munpen Eastern China’s Zhejiang Province sung aom Ningbo City sungah ahihi.

Sunday zingsanglam 8:50am hunpawl in apuakkham hi a, hih thuthang akigelh hundong apuakkhapna ahangpen kitheician nailo cihi.

Apuakkham pen khauhmahmah ahih manin, apuakkhapna aphual panin Kilometer khatciangciang ahuamna sungteng aom innte siagawp in, Glass Window te kitam zihziah hi.

Hih apuakkhapzawh nai 6 bang asawtkhit cianginzong China State-run CCTV te’nzong apuakkhapna ahang kitheizo tuanlo ci uhhi.

Thunei te’n Report agenkhiatna ah hih buaina hangin tuciangciang mi 2 in sihlawh uh a, tualo adangzong mi 2 nakliam mahmah uhhi. Tualo adang mi 16 tezong liam uh a, ahi zongin aliamma pen huaisia luasamlo cihi.

Video leh Photo aki khahkhia pawlkhat te ah meikhu pen Ningbo City ii atungah khuto khengkhang hi. Inntungkhuh atolhkhia, akicim leh Windows asia pen tammahmah hi ci’n Zhejiang Daily te’nzong pulakkhia uhhi.

West Lijia Road lamzikpitung aom Dazhong Restaurant neipa ii genna ah ama ansai pen apuakkhapna panin 1km bang agamla ci a, ahi zongin Restaurant’ Windows tengpen kitamkham zihziah hi ci’n genkhia hi.

Video: Large Explosion in China’s Port City of Ningbo Causes Casualties

Ama genna ah tua apuakkham pen abeisa in Commercial Purpose in akizang lamgei aom innkhat panin apuakkham hi a, asawtlo in tua innpen ki susiading “Demolished” ding akici himahleh tuasung panin apuakkham hi ci’n genkhia hi.

Adang Restaurant Owner khatmah ahi Mr Dong kicipa ii genna ah ama ansai zongpen 500 Meter bang agamlatna ah aom hi a, Restaurant’ Windows khempeuh kitam zihziah cihi.

More: China, Hangzhou City aom Restaurant khatpan Gas bung puakkham in mi 2 si, 55 liam

Tua apuakkham apianna vengsung tengah Police Car, Ambulance leh Fire Truck mawtaw te dimzihziah cihi. Abeisa tuma kum 2 hunlai inzong Port City khatmah ahi Tianjin City sungah nihveitak apuakkham om in, mi 173 takin sihlawh uhhi. Aliam bekbekzong zatampi pha kici hi. Sawltak #zomidaily