Kongit Zomi ulehnau teng,
ZYA in abeisa in mawtaw khat aneih pen adiakin LZI ( Leitungbup Zomi Innkuan ) te vaihawm siamna leh innlam pan mapan khopna ahihi. Ih neihsa mawtaw pen honglui mahmah ta ahihmanin tu in kumpi te phalna tawh License ngah thei ding cih thu aom ciangin makai te in athak khat ks. 55 tein tawh navai hawm uh a, innlam pan ks. 20 tein val nangah khin uh a, acian lai ks. tein 30 val pen aba lai nahi uh hi.
ZYA nahoihsepte:
1. Zomi leh minam dang te nangawn aluang pham in kem uhhi.
2.Zomi cina mi a tul a simte tungah sisan tawh nahoih sem hi.
3.Accident tuamtuam akinusia te aluang pham in zato ah puak hi.
4. Zomi sungah acimawh mahmah te a free in mawtaw tawh siluang puak sak hi.
5. Zomi dongtuak leh ahamsa mahmah te adingin thupha tampi bawl hi.
6.A vaan ding omlo , misi cina te zato ah puak in vaihawm sak hi.
7.Zomi vai ahihnak leh innteek dinmun la in thupha bawl hi.
8. Kawlgam kumpi in zong thupi sa in Registration apiak ngiat kipawlna hi.
Zomi te gamdang ah a om i omhangin atamzaw te innlam ah omlai ihih manin inu ipa leh isanggam te cihmawh dongtuah hun in
ZYA in itna leh lainatna tawh thupha tampi pi nabawl den ahih manin tuni in ZYA mawtaw zat ding ivaihawm sak leh ei leh ei mawtaw ding alei tawh ikibang ding a , innlam a ulehnau te lungkhamna leh cihmawhna ahuhhuh isuak pah ding hi.
Panpih zawh zahzah tawh mimal / innkuan/ pawlpi leh kipawlna tuamtuam panin apanpih thei leh apanpih nuam te adingin nahoihsep theihna kongpi kihong hi cih kongtaang ko khia hi.
ZYA Adivisor khat hihna leh anahoih sep uh amuhpih den ,
Rev.Pau Khan Khai
107 Fenley Ave # X1
Louisville, KY 40207
Cell – 443 757 7816
Comment piaknop aomleh...