Chicago ah numeino khat asam Color zutkha ahih manin sanginn Class pan ki hawlkhia

USA, Chicago ah High School sangnaupang numei khat asam Color hangin laisinna Class sungpan in ki hawlkhia cih Fox News pan kiza hi. Tua numeinu minpen Daisy Chavero kici a, ni 5 sung Class sungah luttheilo dingin thu kipia cihi.

Chicago Bulls College Prep ah thupiang hi a, Daisy Chavero in asampen nungkal Thursday ni in Color zutkha cihi. Sanginn ah sangkahding in alut ciangin Class panin ki hawlkhia a, Detention ah kipuaklian cihi.

Tuaciang in Daisy Chavero ii anu inzong atanu sam pen Color a ngeina tawh akibangding in “Dark Auburn Hair Dye” zangin zutsakkik a, ahi zongin asam asan pawlkhat omvevelai ahih manin, ki ngahsak tuanlo hi.

Tuahang in Daisy Chavero pen sanginn Regular Classes te ah kahkhuan kipialo in, in-school Suspension ah Study bawlkhuanbek kipia hi.

Amahpen “Special Education Student” khat hi a, Advocates te’n agenna ah sanginn te’nzong Daisy Chavero ii akisapna te hoihtak panpihlo uhhi, tua ahih manin, Daisy Chavero ii Rights pen sukkhaksak uhhi ci’n genkhia hi.

Chicago Bulls College Prep ah thukhun Policy kinei a, pianpih sam Color ahilo, Unnatural Hair Colors limlim pen phallo uhhi. Banghanghiam cihleh sangnaupang adangte nawngkaisak khading cihna ahihi.

Hih Policy “Addendum” pen sangkahding kumkipat in zaksakna akineikhin hi a, adiakdiak in “Unnatural Red Hair” pen sanginn ah kiphallo cih akigensa ahihi.

Ahi zongin Daisy Chavero ii anu in agenkhiatna ah atanu sam Color pen “Red Color” hilo in “Auburn Color” hi ci’n nialkik hi. Tuaban ah “Addendum” pen sangnaupang te ngahdingbek in kipia a, nulehpa te ngahding in kipialo hi. Parents te adingin Handbook bek kipia hi.

Nulehpa te ngahding in akipia Handbook sungahzong sanginn in azatsawm thukhunte avekin ki helhuai hi. Tuabangin Parents leh Guardian te ngahding in Addendum akipiak keileh tuapen “Legal Format” hitheilo hi ci’n anu in genkhia cih kiza hi.

Related: Thaukap kineih in akimawl kum 5 aphapan khat sanginn pan kihawlkhia

Sam pen ihpianpih Color bangbang in koihleng buaina aomlo zawdingdan hileh kilawm hi 🙂 ZD Sawltak #zomidaily