Catholic Pawlpi hanah vivuiding lungna kei in

Catholic Pawlpi hanah vivuiding lungna kei in ~ Damian Dal

Sanggam Christian te tungah katheihsak nop thu in, Catholic Christian ahi nanu napa, napi napu pen Catholic Han ah, Catholic Christian ngeina bangin vuiding lungnat lainat in ngaihsun khakloh ding ahihi.

Hampha zawlai: Catholic han ah akivuipen hampha ihsazaw ding in ka um hi. Banghanghiam cihleh

(i) Kumsimin tuahan a omlai tengin kuakua cih omlo in NulePa han nakihahsak in nakipuah sak den hi. NulePa han kumkhat in khatvei hahding cihthadah kumli kumnga in khatvei zong atungkiklo, akivuina mun nangawn atheinawnlo tampi ki om lai hi.

Mithupi te in anu apa han uh puahin kem uhhi.

(ii) Tua han tungah Khuaimei kide in, hih hankhuk sunga alumnu alumpa in Christu khuavak sungah nungta hi ci in, kipah tawi den hi.

(iii) Koikoi ah vuita leng vangam kaina, Hellgam tunna thu omlo hi. Anuntaklai a apawlpi ah ihvuina in NulePa PilePu zahtaakna zong ahihi.

(iv) Asihciang Catholic ngeina tawh vuiman in Hell tungding zahdong in ngaihsutna in Christian upna hinawnlo hi. Adiakdiak in sanggam Christian te upna ah sihkhit nungah bangmah kihuh theihna omnawnlo hi. Tua ahihman in Catholic han ah kivui leh Hell tungding zahdong in ngaihsut na leh Thugenna te in sanggam Christian te upna tawh akilehbulh thu ahihi.

Khangthak Christian te sungah lungsim picinna, khuamuhna leh NulePa zahtaak siamna kisam lai mahmah hi.

Nu le Pa luanghawm tungtangah pawlpi khatlekhat siluang kituh hun hinawnlo hi. Tuaban ah Catholic Pawlpi in siluang vuinuam ung cihna zong hilo hi. Tulai taksemsem sivui pen Pastor te, Siampite, Siate adingin seploh aphamawh Pasian nasep vaipuak in akisangsiam ngiat ahihi. Tuahikei leh Risk atamlua cihpen ihtheih tek ahihi. Hihthu hangmah in ih Pasian nasem te tampi in hong nusia ahihi.

More: Biakpiakna Zia le Tong ~ Rev. Fr. Damian Dal

Pasian pen athu in ki um tek napi, ataktak ciang “Na Nu na Pa zahtak in” aci Pasian a um, abia ihihlam ihki mangngilh kha pahpah hi. Fr. Damian Dal