Care the Living leh JK Kam

Care the Living leh JK Kam

Muntuamtuam a om Zomipihte:
JK Kam in “Ka la na ngaihsak un” a cih tawh kisai, a ngai khin tampi om ding lamen ing. Ka lungdampihna le thupi ka sakzia tawmkhat mipihte hong behlap nuam ing. Minam kawmlak i tun ciang mite in hong theih ding a haksa mahmah kawmkawl ah, Zomi tangval khat in Mikangla phuak, a mahmah in tumin sapah, tua pen amau Radio uh ah hong khahsak cih pen thuneu hi peuhmah lo hi. Pasian in i tuntunna ah Zomite thupha hong piakna teci hi hi. Pasian min thang tahen!

JK’ nu zingsang sim biakinn a pai kheuhkheuh ka muhzel hi a, “Pasian in a nu’ thungetna dawng hi” cih zong angtan huai takin hong tangko ing.

CARE THE LIVING
Melody, Lyrics & Music Arranged by JK Kam
Key:C (Slow Rock)

I hear the voice, a certain call
Cyin’ out to we all
Misery community
Breeds disability
Lend to them our helpin’ hands
There’s a power we understand

Chorus:
If you care for the livin’
You can share for the livin’
We are the ones to make a better day
If you care the people dyin’
You can hear the people cryin’
If you really care, there’s no need to cry

Dignity and security
Gender equality
The hand that rocks the cradle is
The hand that rules the world
Woman may with beauty show
Power may with beauty grow (Let it grow)

Bridge:
Try to dry the cryin’ eyes
Let be known we care
Together hand in hand
Till the world is healed

https://www.youtube.com/watch?v=ITFHnyiBpJo

A lamal zong thupi a, a la-aw hong hoih hi. JK kiangah bang nacih leh na laphuah Norway Radio in tua banga hong zatsak a hia? ka cih leh:

“A thu bang thupi kei sim zawzen tawh kibang e. Ka omna ka khuapih te’n hong pakta ci ni. Tua bangin, Care (NGO) te nasepna tawh kisai ko city a te in la phuak dinga hong sawl dihdih. Ken zong hamciam teitai saam English i siam loh pipi mah tawh, mi i dotna mun om zel, net sung i pheklekna mun om zel. Tua bang tengtawh “Care The Living” cih la hong piang hi. Tua leh bang lak pan a Radio tung hiam cih ke’n zong thei khalo lai e. October kha sungin Norway Radio Korporation in a khahkhiat hi. Khat vei, papi kum 60 a val ding khatin:

“Nang kawlgam pan hong pai JK Kam a cih pa na hia?” hong ci in “Hi mah ing” ka cih leh “Na la Radio ah sun thapai paipai hi lo maw, hoih peuhmah ei” ci in hong ngawng kawi keei a, “Aw hi maw” cih bek a om ai ve. Ken zong za khalo lai.

Hih ka la tawh kisai, a music bel arrangement kei ma bawlsa, a harmony kei mahmah hi ing, ka phuahni bel August 24 hi ci ngel veng aw, a music tum bel Norwegian lawmte nih tawh hi”.

JK Kam pen Laangzang khua pan Pa Thang Ngin (1991 in hong nusia) Nu Lam Tial (Khristian suak masa Pu Ngaih Kham’ tanu) hi a Pyidawtha khua ah suak hi. A neu a kipan pawlpi kician khat pan khangkhia a, la uk mahmah hi. Kum 32 pha pan tangval lai hi a, BA (Hon.) MA (History) a zo sinsen sa hi. “Itna leiba” kici CD khat 2005 Feb in khum khina, a dangdang series tampi ah kihel in makaih khin hi. La dawng 100 val phuak khina, tulaitak in Cope topa kumza cin Jubilee adding lapi khat a phuah san laitak ahi hi.

Pasian in Laphuah siamna, lasak siamna tungtawn in thupha hong piaksak tawntung ta hen la, Pasian min a phatphat dingin hong zatsak ta hen. Theihloh melmak kawmmal ah Pasian in maipha hong piaksak ta hen.

Rev. Khoi Lam Thang