Bang hanga Gamdang pai nahiam?

Ih gam ilei haksat/zawnna hangin Zomite a tulsawm tampi gamdang ih tung uh a, lamkhat pan mi nuntak bangin i nungta a, mi silh leh tenbang iteng a, mi nek midawn bang i ne i dawna Pasian thupha hi.

Khuata khat pan mi 50/60 ki omphial ta ding hi. Gamdang ah mite bang cih nuntak/khuasak hiam?.va en/vakan in ci a apai khat leh nih a omphial zong in atamzaw pen hihet loding um ingh.

Na kipatna ( back ground) mangngilh loh ding thupi hi. USA na om a, Malaysia om in, koikoi ah na om a, mawtaw hoih nono nei in natuanga, Inn hoih pipi sung nateng zongin Na paikhiatna/kipat na Innsung phawk tawngtung ding thupi sa ing.

Na Nu leh Pa in nang tung ah lam etna tampi nei uh a, khasum san cianga gualnuam lel, ut bangbang a omding aa ong paisak uh hi hetlo hi..Innsung nuntak tawmbeek anop tuam khak leh cih lam etna lianpi tawh gamdang atung nahih lam cik mah ciang mangngilh kei in, ngaih sun kikkik in.la..

Phawk den ding in ah:-

(1) Innsung haksat man, sum leh pai neih loh mana gamdang atung na hih lam phawk den in.

(2)Gamdang natun ma na Innsung nuntak zia ngaih sun in, tun zong anuam salua hinai lo cih mangilh ngei ken.

(3)Na Nu leh Pa in, Innsung haksat manin gamdang hong paisak a, na paiman’ zong loh manlo khongin Pasal/Zi nei kei in.

(4)Na Nu leh Pa in, ka Tanu/Tapa tua teng ah om ci-in, lam etna tampi ong nei ahih lam ngaih sun in..

(5)Koi2 ah leitung cih pen haksatna bei ngei lo aa, veina / itna a om kei leh haksa/ buailai tawh nahun beiding hi…

(6) A tawp na ah koikoi natung a, Inn hoih penpen sungah tengin, mawtaw hoih penpen tuangin, an lim penpen na ne phialzong in, gamdang natun ma, na innsung haksat dan, nuntak zia, na khankhiat dan (back ground) mangngilh ngei kei-in.