Tuni July 7,2017 zingsang nai 9:30 AM hun in BWA GS thakding kiteelna oma, Rev. Dr. Elijah Brown Ph.D- USA in ngah hi. Pasian leh mipi te mai ah ki apna nei thei hi.
BWA GS thak Dr. Elijah pen GS angah zawh amasa pen khualzinna dingin Kawlgam leh Kawlpi honggeel hi. Tulaitakin BWA pen gam 124 kipawlna hia, Pawlpi mi 45 millions val kipawlna ahihi. Hih bangin Leitungbup Biakna makai lianpi khat in Kawlpi ciang hongphak ding pen Pasian hehpihna mah ahihi.ZBCA OB te vaihawm siamna ahihi.
ZBCA OB teng tawh kithuah dinguh a. July 8 ni-in Bangkok panin Kalaymyo tunsawm uh hi. Kalaymyo ah ZBCM zumpi leh ZTS sangpi te ah pha dinghi. Vaitun ni July 8 nitak in Bethel Biakinnpi ah kikhopna omdinga, azingciang Sunday hunpi ah zong Bethel Biakinnpi ah hunnei masa phot ding hi.July 10 leh July 11 nitak te ah ZBCM Compound sungah kikhopna om ding hi.
ZBCA – America pen BWA in Full member in asanna hang in ZBCA in Topa tungah lungdamkohna Ankuang luina zong July 11 ni in neihding geel ahih manin tuatak ah BWA GS thak pen aom theidingin ageel uh ahihi.
Abeisa kum 100 sungbang Zomi te adingin hibang dinmun akitung theingeilo dingin ngaihsutna om ta leh Topa in lampi honghonsak ciangin tu in Zomi mintawh BWA ah Full member hongngahsak uh ahih manin mailam ah Zomi mintawh Leitungbup ah Khawmpi leh Delegate te akikah thei ta ding ahihi.
July 10 nitak nai 7:30 PM in ZBCM huangpi sungah kikhopna kinei dinghi.
July 11 nitak nai 1:00 PM in ZBCM huangpi sungah Ankuang luina omdinga, Zomi Biakna , Kumpi nasem , gam leh minam nasem akipan Zomi mintawh kipawlna tuamtuam te kisam ding hi.
July 12 ni-in Kawlgam panin Yangon lam manawh ding uh a, Yangon a US Embassy zum ulian te tawh July 13 ni in BWA GS leh ZBCA OB tengin kimuh khopna neidingin Appointment bawl khin ta uh hi.
Mailam ah BWA khawmpi tuamtuam te Zomi min tawh kisim kipai thei ta ding hi.
Lungdamna tawh,
Rev. Pau Khan Khai.
General Secretary
ZBCA.
July 7,2017
Comment piaknop aomleh...