Brexit begins: EU (European Union) pan UK gam paikhia taktakding

Brexit begins: EU (European Union) pan UK gam paikhia taktakding

UK Government in EU (European Union) panin paikhiatsawm taktakta uh ahih manin kikhenna lai “Dicorce Papers” pen European Union makaite tungah ki piakhinta hi ci’n British Prime Minister Theresa May in genkhia hi.

UK Government pen European Union tawh akizop uhpen kum 44 sungbang hikhin a, tu in tua kizopna Relationship pen akhawl bawlding uh hitaktakta hi.

British Prime Minister Theresa May in “Article 50 of the Lisbon Treaty” tawh kizui in European Union pan khawlnadingin Britain pen kipanta cihi. Belgium gam, Brussels khuapi aom “President of the European Council” ah President asemlaitak ahi Donald Tusk tungah EU panin pusuahkhiat nadingin theihsakna “Letter of Notification” ki piakhinta cihi.

Kei paitheilo kahih manin, kei aitaang in British Permanent Representative to the EU, Sir Tim Barrow in “Letter of Notification” hong piaksak khinta hi ci’n Theresa May in genkhia hi.

Theresa May: The UK is leaving the EU

British gammi te lunggulhna aom mahbangin United Kingdom in European Union pen nusia taktak tading hi. Hihpen tangthu lianpikhat hiding a, hihvai tawh kisai in ki nunglehkik cihbang om nawnloding hi.

European Union pan aki paikhiat khitciangin ei thukhenna bangbang in ki kalsuanding a, ei deihbangin thukhun kibawlding hi. Ei adingin athupi leh akisampen te ki lencip, ki Control dinghi. Ihtu ihta te’n hih hangin ihgam pen innnuam mahmah khatin ciamtehding uhhi ci’n genkhia hi.

More: UK Referendum ni khat bek kisamlai – UK Zosuan te mailam ding

EU Council President Tusk inzong Twiiter tungah “After nine months the UK has delivered” ci’n gelhkhia hi. UK gampen EU panin pusuahding leh pusuahlohding “BREXIT” ci’n Referendum bawlin Vote akhiat ngekngek uhpen kha 9 sung acingta hiziau hi. ZD Sawltak #zomidaily