Numei khat damiah akitaih laitak kituakkha in kitumpah ziahziah

Numei khat damiah akitaih laitak kituakkha in kitumpah ziahziah

Malaysia, Ipoh khuasung ah Motorcycle khattungah atuangkhawm damiah minih in kumhamkhin numei khat ii sumbawm suhsak in tualaitak ageinai aom khuasungmi amukha te’n honkhia uh cih theStar pan kiza hi.

Hih damiah te’n nupinu mawtaw sungah aomlaitak asumbawm asuhsak laitak uh CCTV panin Video Record kibawlkha citciat a, tua Video Footage pen Social Media ah ki thehthangpah zihziah hi.

Video sungah nupi kum 68 aphakhin khatin innnung lamgei khatah mawtaw a Parking laitak in Motorcycle tawh damiah minih hongpai uhhi.

Motorcycle tungpanin khatpa tuakkhia in, mawtaw kongkhak hongsuk a, nupinu ii sumbawm suhsak in taikhiatsawm uhhi.

Tualaitak in ageipan amukha khuasung mi nihte’n damiah kitaih cih atheih uhciangin delhpheipah vingveng uh a, Motorcycle tawh damiah te ataikhiatma in bawhkhia uhhi.

Motorcycle zong tuksuk in damiah khatpa pen Motorcycle photsawm in taisawm teitei himahleh vengsung mite hongtam semsem in bawhhuanpah ngeingai uhhi.

Vengsung mipasal atawmpen mi 9 bang phamanding kici a, Video Clip sungah muhnop phangphangman mahmahlel hi.

Video na etnopleh: Snatch thieves beware, don’t mess with Ipoh!

Tawlkhatsung abawhhuankhit uhciangin damiah nihte pen van gumanlo ahihteh ci’n khahkik uh cimawk hi. Ahi zongin athuaknu Victim inbel Police Station ah Report bawlveve cihi.

Ipoh OCPD Asst Comm Sum Chang Keong ii genkhiatna ah hih buaina pen Tuesday 3:20pm in thupiang cihi. Damiah te’n mawtaw sungah numeinu apuan kaihsakin sumngen uh a, tualaitak in midang tunglian ahih manin nupinu in huhna ngenin awng cihi.

More: Malaysia Damiah te hangsandan tazen, lauhuailua himai

Motorcycle zong Registration Plate pen atuh cisawnsawn hi. Wednesday ni ciangin damiah tekhat Police te’n a inn panin mankhiathei uh a, tuazawh asawtlo Minute 30 khitciang in damiah akhatpa zong matbeh leuleu uhhi.

Hih mi 2 tepen palik te’n kep uh a, thusitna neiding uh cih kiza hi. Atung apat in khuasung tangval, papi te’n khahkikkei uhhenla, Police Station ah appah le uh vai asiangding hiven. ZD Sawltak #zomidaily