(Breaking News) Tulaai leitung Thuthang Tuamtuam Updates August 27, 2014
ZIUSA kipawlna mintawh New York khuapi aom UN zumpi ah Zomi makaai 30 kiim August 27, 2014 ni in khawmpi kah kipanta uha, nasiatak in Zomi vaai sungziahziah ding in kiging sitset uhhi. Hih khawmpi ah ZIUSA Makaapi Pu Go Sawm Khup, GS Pu Do Khan Khup , Pu Gin Kam Lian, Rev Pau Khan Khai leh makaaipi adangpawlkhat kihel uh ahihman in muanhuai mahmah leh khamuan huai mahmah hi.
US gamsung ah Internet company minthang mahmah khat ahi Time Warner Cable te internet line August 27, 2014 ni zingsangpan state 29 ah kisia cip a company te in zong ahangtheilo in akansaan laaitak uh ahihi. Alo theilo Internet Kisapna Company pi phawlkhat ah bel nikaailam ciang tawmkhat kingahsam in adangte kingah naailo hi. Phone akisap hang bangtansawtding cih thuneiten dawngkik theilo uh ahihman in hih Internet zang mipi 11.4 million sovingveng uhhi.
USA gam Massachusetts Air National Guard phualpi pan kisin a leengkhia US gaalvaanleeng F-15C khat August 27, 2014 ni in Virginia ah kia hi. Ahawlpa bek atuang hi a bangcih cih kitheinaailo hi. US Air force te in hibang vanleeng 249 nei uha, khatciang $30million ta man ci uhhi.
Thang Khawm Pau ZOMi (Bowling Green , Kentucky, USA) Itna icih bangcihtheih ding ihihiam cih leh Khris in eite ading in anuntakna hongpia hi. Eite zong i khristian imipihte ading in inuntaakna ipiakngamding ahihi. (John masa 3:16)
Comment piaknop aomleh...