Billy Graham huhau-in kammal laigil honkhat pholhkhiatna

Pu Billy Graham huhau-in kammal laigil honkhat pholhkhiatna

A Disclosure of Some Technical Terms on Account of the Reverend Dr. Billy Graham, [1919 ~ 2018] By Pau Gin Mang/ Thomas Pau, Th.M, D.Miss

Pasian in a tuampian deuhin Pu Rev. Billy Graham zang pha mahmah hi. Hih bangin Kammal Laigil Pholhkhiatna ah, amah ka bulhna pen Mi khat Pahtawina/ Eulogy/ hi beka, Misisa khat Biakna/ Necrolatry/ hi peuh mah lo hi. Zahtak Piakna/ Obeissance/ zong bel kici thei thuah lai kha sam mah ding hi. Kum za a nungta Mipa/ Centenarian/ hi lo deuh vetse a, Kum 99 a Nungta Mipa/ Nonagenarian/ bel hi lua peuhmah i zak tek bang ahi hi.

Pu Billy pen ei Mikang ahi loten a Billy ciang bek mahin kithei ziau lela, Billy a cih ciangun Minno-a sapna/ Nickname/ hi-in a taktakin William Graham cih tektek ding hizaw lai kha ding hi. Bill Clinton ~ William Clinton cih dan khawng e! Misisa khat i hah gen pha san dihdih tak ciangin Misi Lamnaihna/ Thanatomania/ hi zaw loin Miminthang/ Celebrity/ ahihna huhau hizaw sam hi. Ama’ pianzia tomkim takin i theihna ding leh Kammal Laigil honkhat zong i kihopsawn nopna lah hi si, ci-in hih thului bawlin, a hong pholhkhia mah ka hi hi.

Khai leh; mi pawlkhatte Kitenpih neih ding Launa/ Anuptaphobia/ anei om thei mikmek zanzan hi. Pu Billy ahi leh kitenpih nei lua kisa-in, a zi Ruth Graham ahih manin Kiten ding Utna/ Gamophilia/ Numeite pum kihtatna/ Gynophobia/ a kipan Uham hih ding Launa/ Gerontophobia/ a kipan, nei het lo ding, zi-pasal koppih neih ding launa nei lo cih bel gen zong kul sam dia maw! Kum 99 nungta uhampi khat ahih hangin Teeksiate Kepna Inn/ Gerontological House/ Senior Citizens Nursing Home/ ah a kikeplam bangmah ka bulzakna om lian lo hi.

Huih lak Online panin Sihkohna/ Obituary, Necrology/ i zak ciangin a kuamah tek in hawmtaan kisa hi hang. Pu Billy tukzo ding Pasian’ mizat om het lo i sakna hangin kumcing lua mi khat hi keii mai ta leh pammaih kisa lua tek ahi hi. Taksa leh kha hong kikhen petmah ta ahih manin Pu Billy pen Misisate Minkhumna/ Necrologue/ ah min a kikhum hong hi hiaihuai ta mawk hi.

A sih nung ah a kha’ tawlngakna ding mun khamuang lua ahih ziakin Sihna Kihtat Launa/ Necrophobia, Thanatophobia/ cih Launa a neih loh manin “I don’t fear death, For to be Absent from this World is to be Present Before God,” na ci kingkeng bek lel hi.

Ci leuleu ni ci leng; Pu Billy in September 13~21, 1947 Civic Auditorium, Grand Rapids, Michigan, U.S.A. ah Cialpi/Crusade/ a na bawl masakna panin Pasian in kha’ mangthang a lomlomin mansak ding ahihna na kilang khia pah phot hi. Tua kum tek ngiat mah panin 2005 dong, kum 60 huamsungin gam 185 ah Cialpi 417 vei, mi awn 200 valte tungah Lungdamna Thu a tangkopa ahih manin a luanghawm sialna dinga sing kilem Kuang/ Casket/, hankuang a kingak a kitun’na Singkhe/ Biers/ a luanghawm tuamna Situam/ Cerements/, Siluang apua Mite/ Pallbearers/ a kipan a luang kisialna Hankuang/ Coffin/ a pua kha Mawtaw/ Hearse/ dongin Hampha/ Prerogative/ hi zen mai uh hi.

Si-kha Mipite / Funeral Procession Walkers/ dongin hampha cih ding vive hi vek mai uh hi. Han/ Khan/ Than ah pai, si-kha cih thu i gen ciangin, pawlkhatte in Han Pum- kihtat Launa/ Coimetrophobia/ irrational fear of Cemetery om thei hi. A taktakin mipi tawh hi peuh leh tua launa pen tua zahta hi sam lo ahih manin, Khattang-a om Pum- Launa/ Monophobia/ hizaw thei kha ding hi. Misi Kihaltumna Mun/ Crematorium/ kitun dihdih loin A Kivui ngiat/ Entombed/ ahi hi. Hanmua/ Graveyard/ sung, Hankul/ Tomb/ sungah Kivui/ Buried/ ngiat hi a, thu khat panin lungkim huai pha mahmah hi.

A Lukhungsuang/ Epitaph/ tungah Lai kikhuat/Engravement/ ngiat tawh tomkim etlawm tak mai-in: “Billy Graham Preacher of the Gospel of the Lord Jesus Christ, John 14:6” cih ki-at sitset ziau hi. Pasian tawh kinak zop lua ahihna, Lai Siangtho a lim zat luatna hangin A.D. 2000 pek lai-in KJV bu 10 bang siat khin zaw niknek sak kici ngei hi. Lai Siangtho It luat Deih luatna/ Bibliomania, Bibliophilia/ kici lungsim a nei tepawl hi taktak hi. Lai Siangtho tua zahin lim sim lim zat i cih ciangin leitungvai dana Lai Siangtho tawh Aisanna/ Bibliomancy/ lamsang tawh kisai kha sam lo hi cih, telsiam ni, hilo hia, mate!

Pawlpi pawlkhat ii zat danin, a zat tawpna zong hi ta mai ding ci a, Sihkuan Nekkhawm piakna/ Viaticum/ kineih pih lo hi. A luanghawm Zatui tawh Kibawl/ Mummy/ cih thu zong kiza lo hi. Siluang Khaanna Suangtau/ Sarcophagus/ ahi a, Misi’ Vanzatte Kepna Innpi/ Chasse/ hi ta leh Misi’ Guhsiate leh A Puante Koihna Kuang/ Reliquary/ cihte tanglai hun bang hi leh kinak vaihawm ngel lo dia maw! Misi guhte a ki -senna Mun/ Ossuarium/ ah a guhte kikoih ding cih taktak lah hong khanglui leitungvai suah zel ta hi. Banghang hiam cih leh Misi tawh Aisanna/ Necromancy, Nigromancy/ cihte pawl tawh hong kibeelpawl hong kimemat hong kitanau nuam thei pian hi.

Thukhupna lam hisak ta ni ci le hang; Misi Thusinna/ Nerterology/ ahi a, Sihna Thusinna/ Thanatology/ahi zongin Class a kah ngei cih bang hi kei ing. Tua hi a, guai aw, bangbang ahi zongin TOPA PASIAN’ angsungah minawhte tampi a tunzopen pa hi buang ta lawmlawm ahih ciangin, Sing/suang tawh kibawl/ Gisant/ Pu Rev. Dr. Billy Graham ii milimpi khat, hong kidin toh sak veva buang sam dingin gintak huai ka sa mahmah hi.

Kum 99 nungta napi Lungsim man lo Uham Natna/ Senile Dementia, Alzheimer’s Disease/ cih pian lungsimlam man lote pawl cih dan a kigen loh mahmah zong PASIAN in ngekbawl deuh hi lo hiam, ka ci nuam hi. A lunghawm tungtaangah Zahtak piakna U.S. Capitol-ah a kibawl lai-in A Thu/State Address bek dom loin Sikhakna La/Requiem mah tawh zong khakna a neih uh pen vaihawm siam sa ing.

• 1. Crusade Masapen: Sept 13~21, 1947, Civic Auditorium, Grand Rapids, Michigan, United States of America
• 2. Mitam a ki-appenna Crusade: Moscow, Russia, 1992, Mi 150,000 ki-ap uh
• 3. Crusade hun a sawtpen: New York Madison Square Garden, 1957, Kal 16 sung sawt

4. Crusade siim Mi atampen: Seoul Yeouido Plaza 1973, Mimal 1,100,000 in thungai uh, a kamphenpa Rev. Billy Kim (Suwon Central Baptist Church, Senior Pastor; President, Baptist World Alliance 2006 ciang term khat a sem ngeipa) a kamphente khempeuh lakah a siamin siampen hi cih, Amsterdam ‘86 ah lim gen ngutngut phapha hi. Ka Lungdam! Thangta’ Pa – Pau Gin Mang/Thomas Pau, Th.M, D.Miss Refs: Ni dang pek pana ka zaksa thute pan/ Tulai Huihlak Kisungzopna/Internet pan