Nau aw kap nawn ken aw…

Nau aw kap nawn ken aw…

I nu le pate’n hong dampih nawnloh hangin Nau aw kap nawn ken aw… Leitungah ei’ ma in zong a nu le pa in a sihsan mi lawhcing gualzo tampitak om khin hi aw… Tua banah i Topa Pasian in eite hong nusia ngeilo in, i nu le pate hong itna sangin a lianzaw itna tawh hong it ahi aw… Nau aw kap nawn ken aw… Nang kiangah i Topa Pasian le kei na U om den ka hi maw…

I pa’n hong dampih nawnloh hangin nau aw kap nawn ken maw… Pasian thupha sangin gualzawhna, lawhcinna nong ngah ciang i pa ngai in i naakngeek na mahmah sam mate Nau… Ahi zongin nau aw… I pa’n ama omna pan hong lungdampih a, amah na angtang mahmah ahi aw…

Leitungah ei’ ma in zong pa nei nawnlo tampi na omkhin zo ahi aw… I leitung pa in hong ompih nawnloh zenzen hangin vantung i Pa (Topa Pasian) in hong nusia ngeilo in hong ompih tawntung ahi aw Nau… Lungneu ken aw… Na kiangah i Pa Pasian le kei na U omden ka hi maw Nau.. Kap nawn ken aw…

Nau aw… i nu’n hong nuntakpih nawnloh manin kapkap nawn ken maw… Leitungah mi gualzo lawhcing tampite zong a nu un a dampih nawnlo tampitak mah om ahi aw… Lungkhamna le haksatna na tuah ciangin i Nu ngai in na khitui luang kha zel ahiam?

Thanem kisa peuhmah ken maw Nau….. I nu hong itna sangin a lianzaw itna tawh hong it i Topa Pasian ei ading om den a, nang adingin kei na U om den ka hi aw… Nau aw Kap nawn ken aw…

Nau aw… mite bangin neih le lam i kicinloh manin mite mai ah maizum kisa in na kap simsim na hiam? Lungneu zenzen ka nau aw… Leitung khel in taangthu thak hong gelhkhia mite zong zawnna le gentheihna tampi a thuak khit uh ciangin hong gualzo lawhcingte ahi uh hi..

Ei hun hong tung lua ding ahih manin kilungneu sak ken aw Nau…. I Topa’n hong mapi dinga, nang hong panpih dingin kei na U om den ka hi maw?… Ei ading zingkhua hong vak ding ahi maw Nau… Kap nawn ken aw…

• Ka nau… Kong it ka nau aw… Kapkap nawn ken aw…
• Ei ading zingkhua hong vak ding hi…
• Ka nau… Mong it ka nau aw… kapjap nawn ken aw…
• Ei ading hun hong tung ding a, Topa hangin i lungdamna hong kicing ding hi…

Hong it mahmah, Na U Mung @ Dong Mung