Kawlte’ keelluphum hun in pulakding hita
2003 kum pan pekin galkap kumpi in azat uh political roadmap pen tudong mah azanghzangh lai uh hin lunghimawh huai veve hi. Tua azat uh pen galkap te politics pan nungkin ding (demilitarization) hilo-in galkap semlaite leh galkap’nungthuap mipil misiam honkhat khutzat ding in opposition force teng adiakdiakin Aung San Suu Kyi pen control ding cih ahi hi.
Tunung kiteel khit pan akhekhapte uh tuciang dong enkik leeng; gamthu pan pusuakkhia nading lampi (exit strategy) hilo zaw-in; political power letzawh tantan piteeknu zanghin tawtawnna (containment strategy) tawh kalsuan sawm leuleu uh hi.
Ei lamet bangin mualmite ong masak phawk tuak khollo uh tawh kibang pha mahmah hi. Tu aa kam dimdimin piteeknu leh makaite’gengen kilemkikna (national reconciliation) zong tutphah hawm ding ciang peuh hihtuak leh kilawm hi. Alangnih un i etcik mahmah tak teh mipite tungtham lungkimsakna ding kilemkikna paulapna (letter of reconciliation) hihtuak pian zelin kilemkikna tatak ding (spirit of reconciliation) ding lam manawhtuak phalo uh hi.
Tua ahih manin; Kachin makaite cih giap ekh Aung San Suu Kyi zong Kawlmi mah hi acih uh hong tangtung kha diam! Mun thupi tuamtuam ah amau teng mah tutna kipiak tuak uh a; agentheihlai; haksathun lai-in huihpi guahpi athuakpih asanggamte laizom melma ta leh kilawmhi.
Ahizongin; kumpi thak hong kah khit tak teh akihel ding kilawm;mun ngah ding kilawmte’n mun hong ngah kei leh mipite hai nawnlo ahih manin kumpi sem ding agualzo party in maimolna tampi tuakin tutna tanlawh thei ding hi. Mipite zong keksa vive ahih manin; atung a igen ingaihsut bang hong piang ding; pianglo cih pen asawt nawnlo ah Kawlte’ keelluphum hun in hong gen ding ingak phot hi. By: Bob Tuangpi
Comment piaknop aomleh...