Banghang ka Email ah Attachment ki khaktheilo hiam?

Banghang ka Email ah Attachment ki khaktheilo hiam?

Mi pawlkhat in Email sungpan te’n “Video kongkhaksawm hangin ki ngahthei mahmah kei” cithei a, pawlkhat inzong “Photo kongkhaknop tamlua, ahihhang na Email ah lutnuam vetlo” cithei uhhi. Banghang hiam?

Email panin Text akici Laimal gelhciatciat in ihki khaktheih mahbang in adang File namtuamtuam ahi Audio File, Vidoe File, Photo & Images, Documents, etc… tezong kikhak thei hi. Ki khakthei cihciang in utzahzah ki khakthei zuaizuai cihna hipahlo hi. Banghanghiam cihleh ihzat Email Program tungtawng in Attachment pan aki khakthei File Size pen ki ciangtan tek hi.

Ei Zomi lakah Gmail azang ki tampen khading in ka lamen hi. Gmail te’n Email khat ihkhakkhiat ciangin Attachment ah File Size 25 MB ciang ki ngahsak uhhi. Hih 25 MB sangin atamzawk, agikzawk leh na Email khaksawm pen pusuak khialoding a, ongki lehkik tantanding hi.

Tuaban ah Gmail pan Attachment 25 MB ciang ki khakthei ihcih hangin, nakhaknu nakhakpa in Gmail zanglo in, Attachment 25 MB sang atawmzawbek aki ngahsak adang Email Program khatpeuh azat leh na Email khakpen luttuanlo ding hi.

Theihding adang khatah Gmail panin “Executable Files” akici “.exe” tawh akhawl File namte ki khaktheilo hi. Banghanghiam cihleh tua File tepan in Virus omthei ahih manin, Security lunghimawhna hangin aki ngahsaklo uh ahihi.

Tuaban ah adangdang File Extension ahi “ade”, “adp”, “bat”, “chm”, “cmd”, “com”, “cpl”, “hta”, “ins”, “isp”, “jse”, “lib”, “mde”, “msc”, “msp”, “mst”, “pif”, “scr”, “sct”, “shb”, “sys”, “vb”, “vbe”, “vbs”, “vxd”, “wsc”, “wsf”, “wsh” cihte zong ki khaktheilo hi. Hih atung a File Extensions tepen Zipped File (.zip, .tar, .tgz, .taz, .z, .gz, .rar) in nabawl hanginzong ki khakthei tuanloding hi.

Yahoo Mail ahzong Attachment nakhak ciangin 25 MB ciangbek ki ngahsak uhhi. ZD Sawltak #zomidaily