Bangden samding kahiam? ~ Tdkhen

1. Mihoihlo khat a kikhel’ hangin a mu khial pai suak ki om thei hi. “Neu lai gul muh” a cih bangin, a muhna sa mun mahah a omom ding sasa hi.

2. Mikhat a neu lai-a a om dante a mitkha ah luailuai sakin, makai khat hong suah dongin, a khankhiatma hun tawh a encip den pawlkhat ki om thei hi.

3. Tagah lubawk khat, ettheih lohte khat hong khankhiat ciangin, a neulai lungsim tawh en in, thupi lapi a gen zongin a valh zo lo mi ki om thei hi.

4. A pattah, a makaih, a khut nuai-a khangkhia mikhat, makai lutang hong suah ciangin, “Midangte tawh hong teh kei’n teh, hong huaihaam’ limlim in teh, hong thei-siam lel in teh” ci-a ki tung-et pai suak ding a lamen pawlkhat ki om thei hi.

5. Minam neu sung panin a khangkhia mikhat pen, nampi lungsim a nei pawlkhatte in pawl’pih haksa a sa ki om thei hi.

6. Naupang khua-zalo pawlkhat innteeng khawngin va om-leh, amah a kisa nawnlo zahin hong kilamdang ngiat a om thei hi.

Makaihna hoih a ki tang’sam lua naupang pawlkhat om thei hi.

7. Mihingte pen i-kiim i-paam in hong khanpih ahihmanin, mimawl’ gam-a omte mipil gamah va om-leh a pil lel uh hi.

8. Mipil tate ahiphial zongin, mimawl’ gamah va om-leh, hong mawl lel ding hi. Singno melpha khat, lei hoihlo-ah ki suan-leh a lei hoihloh zui-in hoihlo lel dinga, singno ginalo khat leihoih munah kisuan-leh, a leihoihna tawh kizui-in a hoih lel ding hi.

9. Mihoihlo khat zong hoih ngaihsut leng hong hoih thei lel-a, tua mah bangin i-galte nangawn lawm ngaihsut leng kilawmta thei lel ding hi.

10. Mihoih kimlai zong nopneh ngaihsutin, ut bangin bawl gawpgawp leng, i-hoihloh tawh kizui-in hong hoihlo lel ding hi. Ui om muang khat a bil-a kaih tawh kibang ding hi.

11. Naupangno khat zong khan-gual bawl’ lel leng, kikhan-gual kholh thei lel a, pil’bawl’ leng hong pil lel hi.

12. A hoih, a hoihlo cih pen i-lungtang panin a pusuak hi zaw a, imuh khat peuh ei’ a’dingin kihoih sak thei in, kihoihlo sak thei lel hi.

13. Makaihna thu-ah ilung a kiat-leh ei’deih danin a makaih nuam ihi kha ding hi. A thumang lo, a khua-za lo khat zong makai hong suak-leh, makai dangte’ khemsa in om lo pah lel ding hi.

14. Hilh zawhloh, makaih zawhloh khat hong kikhel taktak-leh, hilh zawh loh, makaih zawh lohte mah hong vei pah zaw ding hi.

15. A beisa mit tawh mi i-etleh, power beisa a bulh ihi dinga, a hihna bangbanga i-etleh, ikituahpih power hi-in, mailam-a ding tawh i-etleh, ilu avai ding hi.

Tdkhen