Bangalore zinding Malaysia Airlines setsiatna om ahih manin KLIA ah ciahkik

Bangalore zinding Malaysia Airlines setsiatna om ahih manin KLIA ah ciahkik

Malaysia Airlines khat ahi Flight MH0104 pen Kuala Lumpur International Airport khuapi panin India, Bangalore khuapi zuanin alengkhia hi a, vanleng set kisiatna om ci ahih manin, kilehkik cih zanni in theSun pan kiza hi. Hih Malaysia Airlines tungah atuang Passenger khatin agenkhiatna ah hih vanleng pen KLIA panin zingsang 9:45am in alengkhia hi a, Bangalore khuapi ah 1:45pm hunin atungding ahihi cihi.

Vanleng tungah bangmah nawngkaina omlo himahleh 12:25pm hunpawl in vanlenghawl Pilot pa in thuzaksakna hong tangko a, vanleng pen “technical issues” om ahih manin, Kuala Lumpur International Airport zuanding in ki lehkikding hi ci’n tangkohiau mawk hi.

Vanleng tungah atuangte zong dipkua litlitsa in nai 2 leh minutes 40 atuangkhit uhciangin bangmah nawngkaina, siatna omlo in KLIA tungkikthei uhhi.

Vanleng pen alengsuak hileh Bangalore atung nading in nai 1 leh minute 20 bek akisamlai hi a, banghangin lengsuaklo in KLIA lam zuanin sauveipi lengkikzawhiam cih akidot ciangin:
India zuanin alengsuak hileh Chennai ahih keileh Colombo ah tukziautheih nadingin amun lemlothei hi. KLIA ah hileh muanhuaizaw ahih manin akilehkik hi ci’n Pilot in genkhia cihi.

More: Malaysia ah Kawlgammi 2 Revolver thauneu khattawh kiman

Malaysia Airlines ii Statement akhahkhiatna ah vanleng pen setsung siatna om ahih manin, KLIA ah hongki lehkik hi. Passengers leh Crew teng hoihtak in pusuakthei uh a, tuatung ah atuang Passenger teng 4:15pm Flight tawh Bangalore zuanin lengkhiakik uh cihi. ZD Sawltak #zomidaily