Australia ah Passenger khatin Bus Driver pa meitawh hallum

Australia ah Passenger khatin Bus Driver pa meitawh hallum

Australia, Brisbane ah Passenger khatin Bus mawtaw hawlpa meitawh hawllum cihthu tuni in AFP News pan kiza hi. Police te genkhiatna ah Passenger khatin Bus Driver pa tutna munah meikuang lawnphei in, atui te kitheh in kanggawp cihi.

Taxi Driver khat in hih Bus meikuang amuh ciangin anunglam kongkhak aki hontheih nadingin apualam pan na panpihthei bilbel ahih manin Bus sungah aom Passenger te asi omlo hi.

Bus Driver papen Brisbane aom Indian Community pan hi a, mitheih mahmahkhat ahihi. Aminpen Manmeet Alisher hi a, kum 29 phakhinpan hi.

Meikuang alawnpheiding in aki ummawhpa zong kiman a, kum 48 aphakhin khat ci uhhi.

Police te genna ah Bus pen avek in kuangciplosam ahih manin phadawmlai ci uhhi. Bus sungah meikat laitak in mi sawmval khawng aom hi a, tuate lakpan pawlkhat pen nak hamsa sa uh cihciang hi a, tualo te bangmah liamna omlo cih kiza hi. ZD Sawltak #zomidaily