New Zealand, Auckland khuasung ah huihpi in nawkgawp, inn 100,000 val cimawh in om

New Zealand, Auckland khuasung ah huihpi in nawkgawp, inn 100,000 val cimawh in om

New Zealand gamsung aom khuapi alianpen “largest city” ahi Auckland City sungah huihpi in nawkgawp cih Reuters pan kiza hi.

Tua ahat mahmah huihpi “gale-force winds” hangin Auckland City sung aom mi tultampitak te’n Wednesday zingsanglam in Electric Power ngahlo in cimawh mahmah uhhi. Kumpi thunei te’n khuasung mipite kuamah apualam pusuak khialo in, innsung ah omcip un ci’n zaksakna nei uhhi.

Huihpi pen ahatna naikhat 146 km (90 miles) bangin nawkgawp ahih manin zankhatthu in singkung te kipuk zihziah in, Electric Power tengzong kisia sakgawp hi.

Electricity Distributor Vector te genkhiatna ah Electric Power asiacip inn leh Business pen akigawm in 100,000 valbang phading ciliang hi. Tuate bawlphat, puahphat kikding pen nitampi hunlak kulding hi ci’n genkhia uhhi.

New Zealand gam ii vanleng “Country’s National Carrier” ahi Air New Zealand te’nzong athupi mahmah akipelhthei vetlo ahih keibuangleh kuamah vanleng tawh khualzinding vaihawm kei un. Khuahun hoihlo ahih manin, vanleng tawh khualzinna pen lauhuai hi ci’n genkhia uhhi.

Auckland Airport Runway nangawngzong zannitak in huihpi in anawkgawp ciangin ki khakcipsak phot hi. Auckland Airport ah atuding vanlengte pen amundang Airport te ah ki tusakphot hi.

Khuasung lamzikpi te tungah ninthem tawh kidim in, Traffic Lights tezong nasemlo, Electric mei ngahlo ahih manin kizangtheilo hi. Kumpi thunei te’n New Zealand’s Commercial Capital sunga aomkha mipi 1.3 Million tepen ahihtheih leh innsung ah omzaw un, kuamah pusuak vakkhia kei un ci’n zaksakna neikhin uhhi.

Auckland City Council te’nzong amau ii website tungah zaksakna neikhia uh a, zannitak huihpi hangin Auckland City sungteng ah siatna tampi pianghi. Akisam mahmah lobuang kuamah vakkhia kei un ci’n gelhkhia uhhi.

Hih huihpi pen Tuesday ni in akipan hi a, tawlkhatsung nawksuak theikhading kici sawnsawn hi. Central North Island ahzong hih huihpitawh kizui in Tornado zong piangthei khading ci uhhi.

More: Philippines ah huihpi nawkna hangin misi kibehlap, asi 43, amangcip 45

Metservice te genkhiatna ah tawlkhatsung huihpi leh guahpi in nawklaiding in ki ummawh ci uh a, Auckland City sungahzong Thursday zanlam ciangin hihsang in akhauhzaw huihpi in khatvei nawkkik khatheiding hi ci’n Metservice te’n genkhia uhhi. Sawltak #zomidaily