Nupi khatin apasal asikhin sa in misi koihna ah puaksak

Nupi khatin apasal asikhin sa in misi koihna ah puaksak

Cancer natna tawh acinacip, ahun nunung atungta papikhat azi in asikhin sa in misi koihna ah puaksakkha cimawk hi. Tua papipa pen amin Huang cihciangtawh kipulak in, China, Hubei Province sung aom Shiyan City ah ateeng uh ahihi.

Nungdiak mahmahin zato panin damzo nawnloding cih Doctors te’n atheih ciangin innah ciahsak uh a, asihding aki ngakbawl pianpiankhat hihtuak hi.

Shiyan Evening News te genkhiatna ah hih papipa pen Cancer natna aneih ciangin a innkuanpih te’n asumneih Savings khempeuhtawh zatui zaha atuamtuam “Medical Treatment” bawlsak kawikawi uh cihi.

Anatna pen agilpi sungah Cancer om “Stomach Cancer” cih himawk a, abeisa November pekpanin adamlo, azawmcip khin ahihi.

Abeisa Monday zingsangin azi in papipa alupna panin aphotleh khua phawknawnlo, akhut akhezong tangnawn vetlo in aom mukhia hi. Akam leh anak paninzong huihdik cihbang kithei nawnlo ahih manin, hoihtak velcianlopi in asi hiding cipah hi.

Apasal pen a ihmutna panin ihmusuak hiding cihtawh asikhin hidingin ummawh ahih manin, misi koihna “Funeral Service” te kiangah alawmpa luanghawm hong lakhia un ci’n zasak uhhi.

Misi kepna ah misi apuah “undertaker” te’n papipa ii aluanghawm pen Funeral Parlour sungah apumpi hoihtak puahdingin akipat uhciangin tua papipa pen asinai taktaklo ahihlam theikhiapan uh cimawk hi.

Funeral Parlour ah misi apuahte’n apumpi siansuah in, Make-up khawng nuhdingin akithawi uhciangin tua papipa pen akhut akhe atanglai mukhia uhhi.

Tuaciangin akhutdawh “Pulse” aomlaihiam cih a Check uhciangin asinailo ahihlam theikhia uh a, amanlang in Medical Team te zasak uhhi. Ahi zongin Medical Team te atunkhit ciangin tua papipa pen sitaktakta hi ci’n genkhia uhhi.

Tua misi apuahsak Funeral Company te’n papipa ii azi kiangah hoihtak in thudotna aneih uhciangin hih misi te innkuan sungah sumlepaai hamsatna “Financial Plight” aneihlamzong theikhia uh ahih manin, misiluang apuahsakna sumbei khempeuh amawkna in bawlsak uh cihi.

More: Innthak akituahkhit kum 2 khitciangin Ceiling tungah misiluang kimu

Tua Funeral Company ah Manager asem khat ii genna ah hihbangdan in asinailo, asikhin kisa in hongkipuak pen hihtawh athumveina hita hi ci’n genkhia cisawnsawn hi. Gamtuamtuam ah mihing khatpen asi asilo cih Legal takin agenkhiathei aki ciangtan aom hangin, China khuaneu khuata te ah thukhun akician taktak omlo cihi. Asi nailopi, asikhin bangin hongkibawlmawk leh khasiat huai lualodiam….. Khuadang ah khualzin in zintungphet, cikciang ciahding ci’n hongki dotpah seisaizong nopkhollo cileng….. Sawltak #zomidaily