Malaysia Thaipusam pawibawlna ah losan puakkham hangin mi 26 liam, mi 4 kiman
Malaysia gamsung aom India, Tamil Community te’n January 31 panin February 01 nidong Thaipusam ci’n pawi nasia mahmahkhat bawl uhhi. Tua pawibawlna sungah losan “Firecracker” ki limzat mahmah a, puakkhamsak damdam uhhi.
Sri Subramaniya Swami Temple ahzong Thursday (Feb 1) ni in Thaipusam Celebration kibawl a, Firecracker nasiatak in puakkham ahih manin, mi 26 takin liamlawhgawp uh cih Bernama in genkhia hi.
Tua Firecracker apuakkhamsak mi 4 tezong Police te’n mankhinta uhhi. Kuala Muda district police chief ACP Saifi Abdul Hamid in agenna ah Firecracker apuakkham pen Thursday nitaklam 8:30pm hunpawk hi a, khuasung ah Chariot Procession avakpih laitak in apuakkham cihi.
Firecracker apuakkhamsak mi 4 tepen kum 25 leh kum 34 gualpawl hi uh a, Thursday zankim hunpawl in akimanpah ahihi. Hih losan puakkhamsak, akiman tepen “Section 324 of the Penal Code for voluntarily causing hurt by dangerous means” cihleh “Section 4 of the Corrosive and Explosive Substances and Offensive Weapons Act 1958” cih thukhunte tawh kizui in thu kibawlding cihi.
Hihbangin losan phenglotgawpna Firecracker Performance bawltheih nadingin kumpi thunei te tungpaninzong phalna Permit kipialo hi. Ahi zongin mipi lakah Firecracker kihal veve in, tuahangin mi tampi in aliamlawh uh ahihi.
Aliam te lakah mipi te encik in aom Police Officer khatzong kihel a, aliam te lakah ahuaisiadiak tepen Sultan Abdul Halim Hospital ah zatui kibawldingin kipuak uhhi.
Tualai ah akihelkha kum 46 aphakhin Murugia kici in agenna ah Firecracker akihal ciangin apuakkham pen ginngaihlua mahmah in, mipite ki patau, lauthawnggawp in ki taikek ngeingai cihi. Amahzong akhutme 3 tak liamlawhgawp hi.
Aliam te lakah numei 12 leh pasal 14, akigawm in mi 26 bang aliam uh ahihi. Aliam te lakah naupang kum 5 aphapan zong kihel a, kum 5 panin kum 59 kikal ahihi.
More: Yangon – Mandalay Bus tungah khualzin Passenger khat asisa in kimu
Kum 5 aphapan aliampen numeino khat hi a, losan apuakkhap ciangin amit ataklam liamsakkha cihi. Adang tezong amit aliamtawh, akhut aliamtawh liamna tuamtuam ngah uh ahih manin, Sultan Abdul Halim Hospital ah Outpatient Treatment in kibawl uhhi. Sawltak #zomidaily
Comment piaknop aomleh...