Akileek kim Khanuntak na leh Pilna ~ Pau Do Lian

Akileek kim Khanuntak na leh Pilna ~ Pau Do Lian (Balancing Spirituality and Intellectuality)

Thupatna: Technology siamna in Leitung SaklehKhang hong kinaisakdeuh tawhkibang hi. Yangon leh New York, Los Angeles tebang nai 24 sungin Lennatawh kitungzo ahihman in, huntomno sungkhatin leilu leitaw kikawmthei hi. 1812 lai in A.Judson´ Salem, Boston pan India ciang tembaw/ship tawh khakhat bang sawthi. Tun ahihleh ani bekin kipai ahih hang´ amun hongkinai tuan hizenzenlo in technology siamna hongkhan man ahi hi.

Kumte hongbei deuhdeuh, Technology pilna sang deuhdeuh, ih Topa hongpai kikding/Leitung beiding hongnai deuhdeuh hi. Hih akhangto deuhdeuh Pilna leh hun nunung naideuhdeuh thu enkaak lehang leitung Pilna leh Kha Nuntakna kikaal ah ei leitungmite khuasa ihih man in a leekkim (balance) a ihzat theihding kisam mahmah hi. Ih thulu Akileekkim Pilna leh Kha Nuntakna ahih man in tuatawh kisai tawm kikumhawm nuam hang.

Pilna (intellectual)

Pilna pen vanzat (instrument) khat in ka mu hi. Ahangpen Pilnatawh natampi akibawltheih mahbangin tuapilna mahtawh, siatnalamzong semthei hi.

Pilna leh theihna pen sinnapan kingah a, muhna leh zakna panzong pilna leh theihna akingahpawlkhat omhi. Sinna (learned-lesson) tawh akingah pilna in sepkhiat na ah kizang thei a, ih muh leh ihzak pilna pen ihkam tawhkigenthei napin septaktak nading in picing zolo hi. Tua ahihman in asin taktak te leh a mupak´azapak te´ khinkhai dan kibang theilo dinghi. Gentehna in Seminary leh University te ah professor ten´ amau mai a mipil misiamte´muhna/dan Laibu tawh athu-in sim/sin photin tuaciangin practical vakuan uh hi. Ahih keileh practical a´atuahsa te-uh mipilte´ muhna tawh enkak in tuaciang´ ngaihsutna piakik pan uhi.

Finkenstien[1] leh Laisiangtho:

“The Bible Unearthed,” cihlai bu agelhma in Laisiangtho kigelhna munte ah vapai tektek in Leitang/geography omzia leh tua mite´ culture/ ngeina leh avanzat te uh akipan teltak in survey bawlhi.

Syria, Turkey leh Asia te´ lai/literature tezong kaikhawm in Laisiangtho sung a om munleh mual te, ngeina te tawh khinkhai in Laisiangtho scholar dangtekawng zong hangsan tak in dongngam, dawngngam hi. Laisiangtho sung a´ Israel te Egypt pan apaikhiat nate uhleh ama kanna (research)te enkak hi. Hihpen pilna leh theina zonna hi. Finkenstien in Laisiangtho sunga om tangthu(history) te leh tuami namte´vanzat gentehna in: a umleh belzat te leh, innkilam na avanzat tedong in kan a, tuagam a om mipiltezong interview bawlngiat hi.

Amuh nathuk leh zai mahmah napin´ mipil dangte´laigelh dik, dikkei cisese lo-in amuhna bangin gelh giapgiap lel hi. Israel te Egypt pan Canaan apai na uh zong Egypt mipilte laigelh tekaikhawm kawmin amahmah in survey vabawl a amuhna ah Egypt pan in Israel tekhatvei bek paikhia lo hi cih mukhia hi. Ahizong in Moses makaih Israel tepaikhiat leh ama muhna akum kibang lian keimah leh hihpen Egyptpan paikhiatna adangkhat hiding hi ci-in Laisiangtho sungapen dik dikkei cituan lo in research bawlbawlzaw ahih man in mimuh zawhloh tanglaithu tampi mubeh a hihpen pilna hi.

313 CE hunlai in Milan khuapi ah Constantine galhongzawh ciang in saptuam (church) khanpin hongkhang hi. Tuama siahpen mipil philosopher ten saptuamte muneu in haibawl lel uhi. Hih saptuam (Christian church)ten´ thu-umlo te´ (philosophy)zang in ngongtatlo (nonviolent)tak in thukkik (respond) ahih manun 16th century takciang tuamun te ah Christian in state religion hongngah hi. State religion dinmuh hongngah takciang un biakna dangte gawtding hongkipan vua, mikhempeuh amau Christian-upna zuihnading thu khauhtak in hong gingta hi.

1550-1800 sungleuleu ciang in Christian te Roman Catholic leh Protestant kikhen na hongom ta hi. Hih Catholicism leh Protestantism te´ki zopna atunga ihgen Christian masate leh pagan (biakna omnailo) te´kizop nasang in hong lipkhap huaizaw tahi. Hihthu konggen na in Christian history gennop nahilo zaw in, eimau theihkhat pen adikpen hici a tangko na in acidam huai lo thukhup napiangsak hi cih hizaw hi. Thuman´thutak ah dinngam ding kisam hi ahizong in ngongtatsa (violent) in seploding athupit zia ki mu hi, ahangpen violent tawh na gualzawh hang nalang ten´ nikhat niteitei ciang hong thuk (revenge) ding hi. 19th century a´kipan muhna leh, theina sang semsem ahihman in thu-um mite in kilem nading ngimna tawh dialogue hongkipan kikta uhi.

Abeisa tangthu i-et ciangin (adiakin Christian tangthusung) nangmuh nasang keimuh na or nangup nasang kei upna man/dik zaw cih kammal in hongkhen kham hi. Eizong eimuhna dan mah in omin, amauzong amaumuh dan in omhithiat leh kikhen natawm zawleh kilawm hi. Tua hilo in midangte muh/upna dik dikkei ihvacih sakciang in thuhoihsang´thuhoih lo hongpiangzaw hi. Tulai tak ei (zomi)te sungah SDA leh adang(Christian) teonline pan in ki nialna omthei ziuhziuh hi. Kalung noploh na khatah, Laisiangtho bu 66 version tuamtuam tawh azangte hita ihih man in laimai 1 leh 2 tawh no atua ci, ko a tuaci cihtawh kikhelna leh phattuam na a omloh ban ah kihuatna kisiatna hongpiangsak zaw hi. Hihpen a ki balance hetlo Christian gamtat khat in ka mu hi.

Khalam (spiritual)

Sawltak Paul in Colossians 2: 6-7 “Note hong honpa dingin Topa Khazih na sansa uh ahih mahbang in amahtawh hoihtakin kipawlin nungta un. Note tungah a hong kihilhsa bangin ama sungah zungthuk kha unla, ama deihna bangin nungta-in na upna uhah khauh semsem in lungdam takin om un. As ye have therefore received Christ Jesus the Lord, so walk ye in him: Rooted and built up in him, and established in the faith, as ye have been taught, abounding therein with thanksgiving.”

2 Corinth 3:1-3 “Sanggamte aw, a taktakin ci lehang, kha nuntakna a nei mite tungah thugen bangin ka hong gen thei kei hi. Leitung mite tungah thugen bang leh Khazih upna sungah naungek abangte tungah thugen bangin ka hong gen dingkisam hi. Note in antak nezo nailo na hih manun nawitui ka hong tulh hi. Tu mahmahin zong nawi bek mah tulkding akisam lai nahi uhi. (see also Heb 5:12-13).

Khazihsung khantohna dawlnga (five levels of Christian development) in kakhen hi. Khazih Zeisu gumpa dingin ihsan nipen Khasungah naungek asuaktung ihihi. Tuni in nusungpan suakkhia in lampai theipah pen Siddhartha Gautama (legendary hilai) bek kazangei hi.

Colossians 2:6, Topa Khazih nasan mahbang un, amahtawh hoihtak in kipawlin nungta un ci hi. Sang in tuaciangin nuntakpih cihna hi. Banghang nuntakpihding kisam hiam? Khasung khantoh nading in singgui (root) tawh nagenteh hi. Foundation hoihneiding kisam cihna hi. Singzung lungno inpetleh singkung asihpah mahbangin Khasungah zungthuk khakding kisam hi. Tua hileh Khasungah kilambeh (built) toto ding a tuain upna kipsak semsem ahihman in atawpna ah lungdamkoh navive tawh kidim dinghi. Huihpi hongnun ciangin zunghoih neilo singte pukin zunghoih nei singte pukzo lo hi. David in Late 1:1 ff Gungei akisuan singkung leh Pasian ta taktak te genteh na in hong hilh hi.

Kum nga apha mikhat in kei kumsawm phanuam ing cihtawh piangthei ngeilo hi. Picin nadingin lamdot omlo hi. (There is no shortcut to maturity). Phuitong apakni mah in agah omngeilo hi. Vaimim apakni in agap/gau omngei lo hi. Bektham loin, ahun acinma in nalawhleh tua sing/agah in limna (flavor) neilo ding hi ahangpen ahuncing nailo hi. Apple gah liim ihduh leh cinsiam zunsiam ding kisam a, nisa guahtuite a hunzui in angahding kisam hi. Tua hihkei leh apple gah akhumding zah in khum(sweet) zolo hi.

Banghang Khalam taksa lam picing nading in hunsawtpi kisam se hiam? Israel mite Pasian kamciam Canaan gam atungzawh nading un kum 39 leh Kha 11 nipi 3 (kum 40) tak bei hi. Tua kum 40 sung bangthu teng asin uhiam ngaihsun ding cileng tampi omhi. Egypt leh Canaan kikal tuazah liangin agamla hilo a, Pasian in tua thupha gam atunma un sinna pia nuam hi. Nikhat thu-in tungleh uh lamkaal a asin uh, suangsungpan tuiphul, santuipi khennihsuak, leh adang2 te mukhalo ding uha, Pasian amuandingzah unzong muanglo khading uhi. Moses Sinai mualtungah Thukham namsawm Pasian in apiak ni 40 sung in a mite nalampial khin uh a Pasian heh mahmah hi.

Cidamna (health)

Mihing kisapbulpi (basic need) pen keimuh na-ah namthum in kamu hi. Pasian, Pilna, leh Cidam na. Cidam khempeuh piangthak hi cih hilozaw hi. Pasian mai ah athuman pen Job nangawn natna tuamtuam in nawk ahih lam itelsa hi. Job bangmi dang omlo hi Pasian in acih mahbang in Job dinmun ah omkha leng Pasian taisan tampi ki om maiding hi.

Anungta Pasian (Zeisu), Pilna, leh Cidam nate kileek kimding pen thuham sa khat hi. Ahizongin ih cidam keileh pilna kilunggulh zolo in Pasian nangawn kitaisan thei hi. Pawlkhat leuleuciang cidam na leh pilna hangin Pasian taisan zong om ta leuleu hi. Tua ahih man in hihthu thumte kileek kimtak a neihding pen thupi mahmah a zong haksa mahmah hi. Cinat ciangin ihneih sunsun sumleh pai bei in ahitheizah in zatui zaha lei napin, ih cidam laitak cinat na apiangsak theite kidopding (prevention) genteh na in awnghawh khitsim khutsindan (hand washing 8 levels) nam 8 te alim tawh bangtung(wall) khawngah suang keei napin kizui zolo hi. NGO ah kasep lai-in WASH program (water, sanitation, hygiene) nasep na vuah cidamnang siangthona te training kipia kawikawi taleh zuihding pen hamsa kisa mahmah hi.

Thukhupna

Akileek kim (balance) nuntak ding khaleh taksa lambek hilo in ihpumpi (body) mahmah ahzong thupi in akileekkim body neite et lawm mahmah hi.

2007-2011 ciang gym (body fitness) ah kaalsim in 5 veita ka kimawl hi. Trainer pa in warm up akipan atawpdong apaizia te honghilh hi. Tuabek thamlo ihkhut (muscle)te akipan awm( chest), phei leh tan (tight & calf) te balance tak in hong kimawlsak hi. Anung leh amai zong a etlawm ding in hongkimawlsak lai hi.

Tua step tawhkizui in kimawlzo leng phattuam na tampi kingah hi. Khatna ah khut leh khe hek cih omlo leh, cidamna (health) khangto in mitmuh napan mahmah inzong ipumpi etlawm mahmah hi. Bansa(muscle) letmat (inch) 16 banghiding in tansa (calf) letmat (inch) 12 cihbang hileh etlawm hetlo hi. Ahangpen atunglam leh anuai lam kileek kimlo hi. A etlawm pumpi (body) hongsuah zawh nading in nisim nai 2 ta´ kum 3 sungbang hunpiak kul hi.

Pasian tawhkizopna, pumpicidamna, leh pilna-hih teng ki balance ding thupi kasa hi. Pau Do Lian

[1] Finkelstein pen Tel Aviv University ah director of Marco Nadler Institute of Archaelogy mimin thangkhat hi.