Aki vuknelh dikna thaikhia in ~ Tdkhen

Aki vuknelh dikna thaikhia in ~ Tdkhen

1. Mizawng khat kinopnehleh pau ngamlo ahihmanin a dikna teng tawh dawicip a, a diklo mah kisa lel hi.

2. A paupau khollote kimawhsiatleh a dikna teng zong paulo ahihmanin a diklo mah kisa lel hi.

3. Miniamte kithusim’keileh a dikna teng zong kithusim’lo ahihmanin a diklo mah kisa lel hi.

4. Thukhen zumah thugen siamlo khat in thu gen theilo a, a dikna kilang theilo ahih manin, a diklo mah kisa lel hi.

5. Thupha bawlnuam kimlai khat kilangpanleh, midikte in mite thuk kikkik se-lo ahihmanin a diklo mah kisa lel hi.

6. Kamhat’thu tawh midik khat kimawhsakleh kiphisian keei tuanlo lel ahihmanin a diklo mah kisa lel hi.

7. Hong deihsakte in hong thuhilhna i ngaihtheih keileh a dikna zong a ngailo khawm i hi hi.

8. I nu i pate’ thu i nial’simin, i nialna tawh kituak zah, a dikna(thupha)te zong a nial khawm zel i hi hi.

9. I zite eima’ zia bek tawh ukcipin, a mizia uh i don’sak keileh a diknate uh zong a don’sak lo i hi hi.

10. I pasalte thusim’ lo-in innsung thunei pen ahihna uh i zeeksak keileh, a dikna uh zong a zeek saklo i hi hi.

11. Mi pawlkhatte kihuh nuam napi-in, cihmawh huh sazian-a kihel ding deihlo ahihmanin, tua dikna zong a deihlo a suak hi.

12. Huhna pawlkhatte thaman mapiak tawh kibanga, tua langkhat dikna in mun ngah nawnlo hi.

13. I thuphate i sim zelzel keileh, dikna pen amah-in kipholak ngeilo ahihmanin, a dikna zong sim’ding i mu kei ding hi.

14. Pasian’ hong piak dikna(JESU) nangawn i san keileh tua dikna(JESU) i nei kei ding hi.

15. Dikna pen a kibawltawm’ thei ahi hi:-

• (1) Dikna pen mikhempeuh in a nei hi.
• (2) Dikna pen sum leh paai hilo-in Lungtang ahi hi.
• (3) Dikna leh dikna a kipiatuakte pumkhat a suak uh hi.
• (4) Dikna kilatcilna pen mel leh mai ahi hi.
• (5) Dikna a suahtak nakleh a pautheilote nangawn a nui hamtang hi.
• (6) Dikna innsungah galte’ aadingin zong mun ki-awn hi.
• (7) Dikna in leitung’ kitangsap pen ahihlam kithei ahihmanin, mi khempeuh a lawngkim nuam hi.
• (8) Dikna pen nuntakna a nei khempeuh in a ngai uh hi.
• (9) Dikna pen Pasian’ hong piak hi a, piaksawn dinga hong piak ahi hi.
• (10)Dikna pen piakbei theih hilo-a, tam kipialeh a tam semsem lel hi. Tdkhen