A kitam theihlo Abraham Lincoln thu pawlkhat

A kitam theihlo Abraham Lincoln thu pawlkhat

American Kumpi A (16) na ahi Abraham Lincoln pen a thei lo kitam nawn sam lo ding hi. Kawlgam ah Kumpi sanglaite sungah kisin ngei hi. Ahi zongin kum khat le kum khat laisin kibang lo ahih manin sang kah khempeuh in sin kha lo ding uh hi. Bang bang ahi zongin Lincoln a kici kua hiam ci-in mi khepeuh in theihnopna tawh hong dong hi leh tua mi pen lai a sim ngei pha lo khat hi ding hi ci-in ka mu hi.

Gensiatna le simmawhna hi lo a, laisim ngeite thahatte peuhmah in Lincoln a thei lo om lo ding hi cih a gen nuam ka hi zaw hi. Ama thu a gen ding hi leng gen sing thu tam lua mahmah ahih manin ama thu a theite theih ngei phatloh thu pawlkhat kong hawmsawn nuam hi.

1. Abaraham Lincoln pen American kumpite lakah a tunsangpen kumpi khatin kiciamteh hi. Amah pen pi guk le letmat li pha hi. Tu ni dong amah zah a tunsang kumpi om nai lo hi, ci-in kiciamteh hi.

2. Lincoln pen American gam mi ahih hangin zu le za a zang ngiat lo khat ahi hi. Tua zong ama lamdanna khatin kiciamteh hi. Lincoln pen zu le za tawh kilemlo ci ding hiam, tuate zang leh a tha zawgawp hi, ci hi.

3. Lincoln pen a lungduai mahmah itna le hehpihna a nei, le pawl a huai mahmah mi khat ahih hangin kholhpih lawm le gual a neilo zah dongin tawm hi, ci hi. David Davis a kici ama lawmpa khat in gen hi. David Davis pen Lincoln lawm ahi hi. Lincoln pen kam tawm lua mahmah ahih manin lawm nei thei lo hi, ci hi.

4. Numei kum sawm le kum khat gual naupangno khat in Lincoln kiangah na khamul tawh kilawm lua teh ci-in laikhak ahih manin tua hi a kipan a khamul met nawn loin zenin puah hi, ci hi.

5. Abraham Lincoln in a thupi laidal pawlkhat a lukhu sungah kem den ahih manin a omna mun khatpeuhah a lukhu mangngilh cih bang nei ngei peuhmah lo hi, ci hi.

6. Abraham Lincn a that pa John Wilkes Booth’ u pa Edwin Booth in Abraham Lincoln tapa Robert a sih nading mun pan hun khia hi. Meileng tuahsiatna khat pan hun hi, ci hi.

7. Abaraham Lincoln pen a kithah main thu vei bang a mangin man khin hi, ci hi. Tua hangin amah a cing, a khutnuai mipa in limlakna mun, a kithah nading munah pai ding na phal lo hi. Ahi zongin kham zo loin pai veve hi. (Myanmar Online Media pan telkhiat) Lungdam, Job Cinpi (Zomi Laisim Nuamte)