Thongkia ki beh lap zel

Sangkahna leh khankhiatna ki bang lawmta nih om hi. A pilna leh a thu
theihna uh ki bang hi. A hi zongin a ki batlohna uh na tam veve hi.
Khatpa in a lungsim aom bangbang itna leh deihsakna tawh ama thangahna
khat peuh mite kiangah pulak ziahziah hi. Deihsakna tawh a thu theih
khat kemcing theilo in mi khat peuhin phattuamna leh thalakna in a
neih khak uhleh ci-in pulak ziahziah lel hi. Lungsim siangtho tak tawh
lungnuam tak in om den hi.

Khat pa leuleu in thu ki gen khat peuh omleh tu-in aman thei pan hi
ding hiven. Mi mai-ah thu thei ki sa hi ding hiven cih uk mahmah hi.
Kamvangta paupau cih tawh om niloh hi. Ama thu theihna kuamah hilh
sawn nuamlo in, mi thu theih khat lah leldih aw…cih san ziauziau hi.
Mi tuahpha khat, mite pahtaak khat, mite pah tawi khat…cih bang
omleh aman hoih gen ngeilo, zahpih theihzaw lai hi. Tut mun panin ki
khat peuh i zah pihpih sangin, tutmun panin thapiak pihna hoihzaw hi.
Tawldam huaizaw hi.

Kua theihloh hita leh theihpipi hita leh mikhat thugen, mikhat
lawhcinna tuahphatna a neih aom teh haza keei, langbawl sawmpah,
gensiat sawmpha cih bang lungsim kawitawh aom den mikhat pen Thongkhia
hilel hi. Amah a lungsim gim mahmah lel ding hi. Amah leh amah sikkol
ki bulh suak lel hi. A hoihin a gamta a lungsim suahtaakna mi a nawng
kaisaklo mipa pen lungnuam in om kinken lel hi. Ei leh ei lunggim ki
guan, kuaman lah hong theihpih peuh mahlo tampi om kha ding hihang. Ei
tum taktek in ki nungta ahih manin i nuntaakna ei mahmah adingin
Thupha hisak beek ni. Ni simin ahoihlo ngaihsutna, mite theihloh in
mikhat muhdanna i neihleh Thongkia a ki behlap den ahihi.

Genzom vetni: Mikhat mawhna khilhna i maisak lohna zong Thongkia ki
hilel ngel hi. Mikhat i tungah hong mawh a omleh Zeisu min tawh maisak
leng tawldamhuai mahmah hi. Suaktak vai mahmah hi. Pasian thu umte
kalsuan zia zong ahihi. Vantung aom ko te Pa aw na min Siangtho ta
hen. Na gam hong piangta hen. Vantungah na deihna a ki cin mah bangin
leitungah hong ki cingsak in. Kote tungah Mawhna ka maisak mah bangun,
ko te mawhna zong hong maisak in….Matthai sungah Vangtung thungetna
te nisimin phawk huai den aa, zuihhuai den hi.