Ahoih zawding deihna tawh

Ahoih zawding deihna tawh

Ki pawlna khat peuh aom khit zawh nung, ei te hong ki dotloh nung, ei te i amau te kiang i om loh zawh nung “A Hoih Zaw Ding Deih Na Tawh” i tut mun panin deihsakna tawh, i phunphun zongin phat tuamna tampiak mello hi. A hoih zawding deih luatna zong tampi buaina piangsak thei zawsop hi. Tua thei na pi i gengen kikkik ciangin mite in lungsim hoih in hong mulo theih lailai hi. A hoih pipi khawng maw…,

Tua leh bang cih ding:

1. A hoihzaw ding i deihleh mel ki muhsawm in gen zaw ding,

2. Om na ki banglo ahih leh phone set zaw ding,

3. Phone a lem kei leh mimal email, mail pan lai khak ding,

4. Ki pawlna ahihleh makai tengtung ah gen ding,

5. I pulak thei keileh tha le ngal, sum le paai tawh lamlah theihna zong ding, lampi tuamtuam tawh cihna hi.

A tunga tawh a ki lehbulh pha mahmah khatpen, nungak leh tangval te kiangah a lawm ngaihte, na deihsak lohna thu “ahoihzaw ding deihna tawh” genpihna pen, a saan thei ding sang’ in, sang’ theilo lua kisa, a ki itna uh a kip nang a phung vuhvuh sak ki suak thei hi. Tua bang mah in a hoihzaw ding i deihthu mite ading ahilo lampi na hi thei hi.

A hoih pipi hong sang theilo uh, bang hang:

1. Mipi lak khawngah ahoih zaw ding gen ziahziah, awng haha’

2. Ih gen teng miten Amen keileh tot bawl gawp pah, haimuh pah,

3. A thu a la theilo in gal khat pan ahoih zawding hilh bawl pah laulau,

4. Ei gen teng ahoih ding bek in ngaihsun pahpah,

5. A hoihzaw ding i gen pen amau nang tungpan na zalo c/o tawh za,

Ih deihsakna, i deihsak miten hong saantheih ding uh kisam mahmah hi. A hoih zawding i gen, miten ahoih zawding mah in a lak theih ding uh a gen mite tungah ki ngazaw hi.

Mipi lak khawngah kam hangsan ki dem sangin, kam mal hoihzat ki demna hoih zaw thawtham hi. A hoihzaw ding deihna tawh i gen sangin pahpihna nengnengte ki deihzaw thei hi.

Kei ngaihsunna tawh…,

Thawn Tuang
Zomi Angvaan