Afghanistan gamsung ah US galkap mi 3 kikapliam

Afghanistan gamsung ah US galkap mi 3 kikapliam

Afghanistan gamsung ah Sunday ni in US galkap 3 kikapkha in liam cih Fox News pan kiza hi. Afghanistan, Helmand Province sungah Afghan Army Soldier te’n akap uh hi a, U.S. Army Soldiers mi 3 liam cihi.

Sunday ni Local Time 1:30pm hunpawl in Washer District sung aom Camp Antonik ah akikap uh ahihi. Capt. Bill Salvin in agenkhiatna ah tua aliam U.S. Soldiers tepen zatui kibawl, Medical Treatment akibawl laitak hi a, athu akicingzaw in hongki zasak kikding hi ci’n genkhia hi.

Tua US galkap aliamte pen bangciliam leh bangzah in huaisia cihtepen Capt. Bill Salvin in genkhianuam nailo hi. Afghanistan gamsung ah U.S. Troops bekbek mi 8400 bang omding kici hi. Afghanistan gamsung ah US galkap tammahmah a, Iraq gam leh Syria gamnih sung aom US galkap te akigawm sangin tamzaw cihi.

Tammahmah khin himahleh Pentagon in Afghanitan gamsung ah US galkap puakbehding geelna neilai cihi.

More: USA aom “Home Depot” Company in nasemding mi 80,000 behlapsawm

Nungkum October kha akipan Afghanistan gamsung ah American mi 12 ki thatlum khin a, tuaban ah tulaitak American mi 5 tepen Hostage in matcip thuak uhhi. ZD Sawltak #zomidaily