A hupha sisan (Power of Blood) ~ Dr. Pau Khan En

A hupha sisan (Power of Blood) ~ Dr. Pau Khan En

Mihingte’ taangthu ah kuakua hita lehang i minam taangthu (folklore) leh i biakna tek ah sisan pen mannei, hupha leh lipkhap huai in i gen tek hi. Hongbawl hong siam Tung Pasian mahmah in zong manpha sa hi. ( Late 72:14)

Banghang hiam cih leh sisan in nuntakna i a laigil a hihi. (Blood is the center of life. Siampi 17:11). Tua hi a, midangte’ sisan amawk luan sak te, mibawlpa Pasian in koihkhong, maap khong lo lua dinghi.

(Piancil 4:10, 9:6,.Paunak 6:17) Midangte’ sisan amawk luansak te Pasian in maapkhong ngei peuhmah lo- a, zong maapkhong ngei lo ding hi. Tuamanin i Zomite’ Pusha biakna ah zong tual thatte akhang khang in nuamsa lo uh hi.

Sisan huphatna te

1) Pasian leh mawhnei mite kizop, kilem kikna Jesuh sisan hi. (Matt.26 : 28 Rom 3:25, Ephess.1:7)

2) Minam khat i suahna pen sisan in thu honggen na hang ahihi. Zomi namkhat i hihna pen tui sang a, agik zaw sisan in minam khat hong suah hi.

(Blood is thicker than water) Leitungmi khempeuh sisan khat (si vom om lo) i hihna phawk in ei minam lopeuh vat mai i tup khak loh ding zong ngaihsut ding kisam hi. Tuapen luanglet (extremist gth. IS te bang) tepawl lungput hi a, Pasian leh midangten diksa lo hi. Zomi lo khempeuh i gal hi zenzen lo hi. (Universal kinship)

3) Sisan hupha

India te makaipi nu (PM) nu Indra Gandhi (1917- 1984) i thugen khat tawh ka thusun ka khum nuam hi. Agam sung ah luanglet (extreme) namnih Hindute le Muslim te ki saaisaai den uh ahihman in peuhzong lauthawng giauguai mai hi ding hiam, ong paukhiat pen, ” Kei ong suamlup ngelngel uh leh bel, ka sisan mal khat in India khangno te tha khauh sak zaw ding hi.

“If they assassinate me, a single drop of my blood will invigorate the young people of India” cingiat hi. Sisan bel hupha! Rev. Dr. Pau Khan En