A 3 veina Zomi Numei Seminar nuamtak kizo thei

A 3 veina Zomi Numei Seminar nuamtak kizo thei

THUMASA :: I biak Pasian ii hong lamlahna le makaihna a om bangin Yangon khuapi sungah a3 veina Zomi numei Seminar pen 11 November, 2017 (Saturday)ni-in 8:30m pan 4:00 pm dong, TBC-Y biakinn, Social Hall ah ki bawl aa, nuam tak in ki zo thei a hihmanin Pasian’ min i phat masa hi.

Hih Seminar pen Zomi Numei Kipawlna, Yangon (Zomi Women Organization, Yangon Region) ii makaihna nuai aa ki bawl hi a, 2015 Kum November kha 7th ni aa hong piangkhia non-profit organization ki pawlna lianpi khat a hihi.

Seminar ah muntuamtuam, khua tuamtuam le pawlpi tuamtuam pan in hong ki hel uh a, numei (pasal tawmkhat zong) vekpi 150 kiim bang kipha a, thugenna te thupi ki sa mahmah bektham lo in, group discussion ah ki lawmtat na le lunggulhna thute sungkhia thei a hihmanun, a ki hel mimal khempeuh in phattuamna tampi ki ngah hi.

Tuaban ah zingsangkiallap, sunsiah le Yazana le FGA te ferry bus ki vaihawmsak aa, a gamla pan aa hong pai te lamsap ki pia lailai a hihmanin lungdam na ki behlap toto lai hi.

Zomi Numei Kipawlna in ngimna bulpi te a nuai aa bangin ki nei hi.

Ngimnabulpite; Zomi Numeite;

• – Dinmun hilhcian nang
• – Pilna le siamna tuamtuamte-ah kileekkim in khan toh theih nang
• – Ngeina hoihte kepsiam in puah le zuunnang
• – Ki pumkhat in gam le minam a ding khut kilen a, na sepkhop theih nang
• – Minam dang te tawh kipawlkhawm aa nasep khopnang
• – Gamsung le gampua a om Zomi Numeite tawh khut kilen aa nalianpite sepkhopnang
• – Kumpi’theihpih Zomi Numei kipawlna khat phuangkhiatzawh nang

Hih a tung aa ngimna bulpi te dungzui-in na ki semtoto ta a, ngimna masa pen a hi NUMEI TE DINMUN HILHCIANNA bulphunin nakpi in a ki kalsuan laitak hi a, seminar ii ngimna bulpi zong awareness piakna mah a hihi.

Seminar ah thusung te le thulu teng a nuaia bang a hi hi.

1. Numeite ‘ theih huai kawlgam thukhun upadi (Women and Law in Myanmar), Numei Zuaksum bang a bawlna (Women trafficking), Innsung le tualsung ngongtatna (Domestic violence); Daw Hla Hla Yee, Advocate and Director cum Co- founder, Legal Clinic Myanmar

2. Numei le Cidamna (Women and Health); Lt. Col. Dr. Vung Suan Thang (MBBS, D.P.M (Ygn), M. Med. Sc. (S’pore), (Professor and psychiatrist, Military Institute of Nursing and Paramedical Sciences, Yangon), Vice President, Tedim Association (TA)

3. Numei le Pilna (Women and Education); Dr. Don Sian Man (Ph D, Botany), Lecturer, Botany Department, Yangon University.

4. Special Speech and prayer for new EC members and the whole women; Rev Dr. Do Suan Mung, GS, Global Zomi Alliance (GZA)

5. Sisan tawh ki sai theih huai pawlkhat te le Donghu ki bawlna (CPR); Sm Sian Dim, Staff, Asia Royal Hospital, Yangon

6. UN Numei khawmpi kahna report: Sm Ngai Dim Niang/Lia Niang Theih Kim

7. Zomi Numei kipawlna, Yangon tawh kisai thupulaakna: Sm Zen Dot Mang

Note: Si nam etna le zumkhum sekhum hong sitsak Lab Technician: Sm Ngoih Khan Vung (West hospital, Yangon)

Zingsang devotion makai: Sm Ngai Dim Niang

MCs; Lia Cing Lam Lun, Sm Ngai Dim niang, Nu Zen Lun Cing, Rev. En Ngaih Lun

A pawlpawl aa thu kikhupna (Group discussion) : Group 10 ki khen in thu ki kupna te a nuai a bangin ki nei hi.

1. Zomi Numei Seminar bawllai ding maw or bawlnawn lo ding;

2. Zomi Numei Kipawlna tungtawn in lametna le bang pia khia nuam na hi hiam?

3. Thusunna te sungpan ki kopnawina le dotna dawnna

2018 kum sung ZomiNumeikipawlna, Yangon Region makai ding tenganuai a bang a hihi.

• 1. Zen Dot Mang
• 2. Lian Deih Lun
• 3. Niang Theih Kim
• 4. Ngai Dim Niang
• 5. Ciin Zuan Vung @ Mi Mge
• 6. Cing Lam Lun
• 7. Go San Nuam @Idol Sanpi
• 8. Don Sian Man (Dr.)
• 9. Zen Lun Cing
• 10. Sian Dim
• 11. Nem Khawl Vum
• 12. Margrace Cing Za Man
• 13. Sian Tung Niang
• 14. Thang Man Mang
• 15. Cin Khan Lun
• 16. Man Deih Lian
• 17. Ciin Ngaih Lun

Hunsaupi aa ding a nuai a bangin ministry tuamtuam kinei ding hi.

• 1. Law and Women protection concerns
• 2. Education Concerns
• 3. Health concerns
• 4. Culture concerns
• 5. Literature concerns
• 6. Media and Communication
• 7. Development or vocational training concerns

Seminar bawlnangin sum le paai tawh hong ki hel teng a nuai a bang a hihi.

1. Sm Vung Sen Lun, Zomi/ Burmese Parent Liaison (Jenks Public Schools), Registered Nurse (Saint Francis Hospital), Tulsa, USA, (Video zaihnang) 200,000 ks

2. Nu Ngai Zen, Buffalo, USA 100,000 ks

3. Sm Biak Sung, Child Protection Officer, Child Protection Section, UNICEF 100,000 ks

4. Zonu’ Tongluankipawlna 100,000 ks

5. Sm Ning Khen Cing, Lecturer, English Department, Dagon University, Yangon
100,000 ks

6. Pa Thang Khawm Cin& Sm Ning HauCiin (Yangon) 100,000 ks

7. Rev Lal Sang Lian @ Sangpui, (WOH, Yuzana) 50,000 ks

8. Nu Dim Lam Niang (TBC-Y) 50,000 ks

9. Nu Zen Lun Cing, Secretary, TBC-Y numeikipawlna 50,000 ks

10. Sm Sian Dim, Staff, Asia Royal Hospital 50,000 ks

11. Rev. Dr. Thang Van Lian&Sianu HauSawm Dim, Doctor of Educational ministry (D E Min) (Can) Columbia Theological Seminary, Atlanta, Georgia, USA 30,000 ks

12. Sm Khup Lam Lun, Green Academy 20,000 ks

13. Pa Thang Khan Kai(MD)& Nu Thang Man Mang(Director), New Eden Services Co.,Ltd, Yangon 50,000 ks

14. TBC-Y Numei Department 100,000 ks

15. Unknown numei khat tungpan 10,000 ks

2018 kum sung sepding geelkholhna pawlkhat te;

1. A 1veina Numei Seminar, Tedim, Chin State: TTWF, TBC Women Department le Zomi Numei Kipawlna, Yangon teng ki gawm khawm in Numei seminar pen Tedim Khua pi ah 2018 kum April khasungin ki bawl ding hi. Ni 2 sung ki bawl dinga, numei a tawmpen 500 hong ki hel ding hi. A ni a kha hong ki taangko ding hi.

2. A 4 veina Zomi Numei Seminar; Kipawlna pian ni 7 November tawh ki nai pen hun in ki bawl dinga, a ni le a kha hong ki taangko kik ding hi.

3. Women and LAw in Myanmar one day seminar: Mipi’ lunggulhna tawh ki zui in Women and Law in Myanmar ni khat seminar ki nei ding hi. A hun ding hong ki taangko ding hi.

4. Numei le cidamna seminar le medical check-up nikhat ki nei ding hi. A hun hong ki taangko ding hi.

LUNDAMNA LE THUKHUPNA

A 3veina Zomi Numei Seminar ah hong ki hel khempeuh tungah lungdamna tampi nei hi hang. Thungetna, sum le paai, thagui thatang, le pilna siamna hong sungkhia khempeuh tungah lungdamna tampi nei i nei lailai hi. I Biak Pasian in na supna zangna khempeuh ah a zah 100 dongin hong thuk kik ta hen!

Zomi Numei Kipawlna in nasep ding ngimna lianpi ki nei aa, tua te pen mihing khat guakin sepzawh ding nam te hi lo a hihmanin, nang le kei ki hel ding ngimna tawh a ki phuan khia Kipawlna a hihi. A pil asiam Zomi numei te pantah in amaute’ pilna siamna tawh i gam i lei i minam puah le zuun ding pen tupna lianpi lak ah khat a hihi. Tua hi aa, hih seminar tungtawn in thuhoih thuthak tampitak hong ki phulaak khiate, sep le bawl khop dingin hongngak linlen ta hi.

Seminar ah mikim i hihtheihna munpan in panmun la in i ki helnahangin lawhcinna i muh mahbangin mai lai ah ngimna te zong sem khawm lai dingin zahtakna lianpi tawh kong zawn lailai uh hi.

Topa Pasian in Zomi thupha hong pia hen la, Zomi numeite’ sepna tungtawnin Zominam le leitangmahmah in thupha ngah ta hen!

Na vekpi uh tungah lungdam mahmah hi!

Vekpi taangin,

Zen Dot Mang
Director
Zomi Numei Kipawlna, Yangon
12 November, 2017 (Sunday)