6.10.2014 Tuni leitung thuthang te

6.10.2014 Tuni leitung thuthang te

America President Obama term lang akah zawh akibawl parliament ktelna ah Republicans te in upper house Senate mun 7 te ah zo in, atam pen hong hih man in Parliament mun 2 ah hong zo hong suahta hi.Lower house ah Republicans te mah in hong zo leuleu ahih man in abeisa kum 60 lai in Repulbican te din mun ngei hong naihta hi cihi.Hih bang in Obama aparty te in nasia tak in hong lel ahih man in Parliament nih te a amakai te White House ah thu kikup na nei ding in Obama in sam hi.Tu in Obama kum 2 aneih lai hun te ah Republican te ngiinna ngelna te hong kizang thei ta ding uhhi.

Pakistan gam ah Tuesdayni in Khritian biakna nungak leh tangval minih that lupna hang in Muslim tualsung mi 43 palikte in man uhhi.Hih thu piang na mun pen Lahore khuapi tawh km 60 kim gamla khua khat ah hi in Koran LST simmawh bawl hi ci in mipi te in umcih in satlum in Leisek halna mun ah hal uhhi.Hih thu hang in alung kimlo Khristian te mi 200 in Lahore khua ah pai in biakna thukhun tah kisai akhauh mahmah te laih ding in lung pho na nei uhhi.

Spain nurs numei khat West Africa gam pua lam ah Ebola natna ngah masa pen ahi Teresa kum 44 pen Carlos 3 Madrid zato inn pan tuesday ni in damsiang in zato pan tuak hi.Amah pen West Africa ah missionaries pai minih te Ebola natna ngah a tua te abawlna pan in natna angah hi.Hih bang dam siang ta ahih man in Ebola antna neite a ding in sisan ka hawm ding hi ci in gen hi.

Syria kumpi in kumpi langdo te omna Syria khuapi ii nisuahna saklam a om Rabum kim sim na hangin naupang 11 si hi.Hih thu tawh kisai in encit te genna ah President Assab pen naupang te ban that hi ci in mawhsiat uhhi.Hih pen Webnesday ni in asim uh hi in, sang inn zong sim uhhi.2011 March kha pan kipan in Assab deih loh na hang in gam sungki buai a mi 190,000 kim si khin ta hi.

Nov.5 ni in Jerusalem khuapi nisuahna laam a om meileng platform mipi tamna ah Palestinian mikhat in mawtaw tawh mipi lak phulna hang in mi 1 si in mi thum liam hi.Hih bang simna pen Hamas te in komau hih hi ci in gen a hih sang inatam zawh hih ding lai din guh hiu cihi.Hih simna hang in kum 20 kim apha khat nakliam mah mah in kua hiam cih ki thei lo in akan zong omlo hi ci in zato lam te in gen hi. Ref:bbc, afp, hro, j.online. Cin Ngaih