Tulaai Leitung Thuthang Tuamtuam Updates November 5, 2014

Tulaai Leitung Thuthang Tuamtuam Updates November 5, 2014

· Kawlgam gaalkaap leh Mualmi te kikaal thukan lah ahi Pi Suu Kyi minuam zong ahingei nung lam deuh a gaalkaapte thah Aung Naing November 5, 2014 ni in Mon state sung gaalkaap te phumna pan sittel phading in aluang kiphong kik a, mit a mu te genna ah akhaguh mumthum kitan, ahate kitan mang apumpi leh alutung ah thautawh kaapna om ban ah singtawng kisaatgawp bang in niimgawp ci in gen uhhi.

· USA Secretary of Defense Mr Chuck Hagel President Obama kawlgam azintawh kituak khawm ding in Vietnam leh Kawlgam November khasung in zinding ci a agelnaa US Parliament ah thugending thupi neivat ahihman in Maaikum 2015 kipat lam ah kisottoh I ci in Tui Gaalkaap Maangpi John Kirby in November 5, 2014 ni in genkhia hi.

· November 4,2014 ni US gamsung panmun tuamtuam ah kiteelna om adiak in USA gam Senate leh House Of Representative kei Party Republican te in zawh cihtak zo in Democratic party te suikhia mang uhhi. Senator mi 100 lak ah Democratic-45,Repulican-52 hi in House Of Representative mi 435 lak ah Democratic 176, Republican te 243 ahihi. Tun Republican te Hlutdaw dawltungnung leh dawl nuainung a uk cip mikmeekding hita hi.

· Kawlgam Democracy lam manawh in akansuanna akhekitan in dinkhawl phot ci in Daw Aung San Suu Kyi in kawlgam kumpi makaaite kalsuanna hangsantak in November 5, 2014 ni in Yangon khuapi thukante mai ah genkhia giapta hi. Tuaban ah mipi lam et mahmah nungkaal a dawikungpu lubawkte tawh kakimuhna uhzong bangmah hilo hi ci in genbeh hi.

· Zanni November 4 ni a Pakistan gammi Christian nupa khat Muslim mipite in that in ahaltumna tawh kisai in leitungbup phial in mawhsakna nei uh ahihman in Pakistan kumpi thunei te in hivaaitawh akizom mi 43 November 5, 2014 niin mankhia uha, adangzong zonbehbeh laai uhhi.

Topa’ Thupha maw leh

Thang Khawm Pau Zomi