Costa Rica ah vanlengkia, mi 12 si in, US gammi 10 kihel

Costa Rica ah vanlengkia, mi 12 si in, US gammi 10 kihel

Costa Rica gamsung ah Sunday ni in vanlengkhat kia a, mi 12 si hi. Tua asi te lakah mi 10 pen American gammi hi uh a, adang mi 2 tepen Costa Rica gammi vanlenghawl te ahi uhhi.

Hih vanleng kiatna ahangpen bangmah kitheician nailo hi ci’n Costa Rica’ Security Ministry te’n genkhia uhhi. Vanleng akiatna munpen mual leh guam atam mahmahna Punta Islita kuamsungteng hi a, Guanacaste Province sungah aom ahihi.

Hih vanleng kiatna kuamtengpen mualte etlawm mahmah ahih manin, khualzinmi te painop mahmahna munnopci leh aminthang Popular Tourist Destination ahihi. Hih vanleng kiatna pen Costa Rica ii Capital khuapi ahi San José panin Tai 140 (230 km) bang aki gamlatna munkhat ahihi.

Hih tuahsiatna vaitawh kisai in Costa Rica’s civil aviation agency panin Director asemlaitak ahi Enio Cubillo in agenkhiatna ah atuanna uh vanleng pen “Nature Air” kici Local Company khat hi a, asungah atuang tepen American Tourist mi 10 leh Local Costa Rican Pilot mi 2 ahihi ci’n genkhia hi.

Hihvai tawh kisai in Nature Air te bangmah thudotna kineithei nailo hi ci’n Reuters te’n genkhia uhhi.

Video: Costa Rica plane crash kills 12, including 10 US citizens

Costa Rica gamsung ah 2010 panin 2014 kumsungteng President asem ahi Laura Chinchilla inzong hih tuahsiatna ah ka sanggamte Crew Member khat kihel hi ci’n ama Twitter tungah gelhkhia hi.

Vanleng tungah atuangteng khempeuh avekin asi hi a, vanleng pen mei kuanggawp sawnsawn ahih manin, asi te zong amel asa bangmah ki khencian theilo hi. Autopsy bawlphot kulding a, tuakhit ciangin aluangte ki khencian theipanding hi ci’n Security Minister Gustavo Mata in genkhia hi.

More: Istanbul Airport ah vanleng kia in tumnih kisuahliang, asi omlo in lamdang kisa

Punta Islita akici Costa Rica’s Pacific Coast kuamsungteng, tuipinawl tengpen nopci mahmah in, gamsung singkungte zong etlawm mahmah ahih manin North American leh European Tourists te’n khualzin tawlngak nading, Vacation painading in limzat mahmah uhhi. Sawltak #zomidaily