ZAM Thupuak :: 12 Jan 20 (Zomi Nam Ni theihsakna)

ZAM Thupuak :: 12 Jan 20 (Zomi Nam Ni theihsakna)

ZOMI NAM NI MAPANKHOP DING ZOTNA LEH THEIHSAKNA

Malaysia a om Zomi ten kumsim a i bawl den ahi i minam ni a sawtlo in hong tung ding hita hi. Abeisa kumte mah bangin tukum zong thupitak leh picing takin bawl theih na dingin 06 January 2020 in ZAM zumpi ah kimuh khopna kinei hi. Zomi te in minam picing leh minam kician I hih na kician takin I lah na leh I minam I pahtawina tawh in 2020 Zomi Nam Ni zong nopcitak leh picingtak a i bawl zawh na’ng sum leh pai tampi mah hong kisam ding ahihmanin muanna leh lametna lianpi tawh Zomi Nam Ni Committee in anuai a bangin ma i pankhopding kong zawn uhhi. Mi khat peuh ahih kei leh kipawlna khat peuh I pawi hi loin Zomi te I minam ni pawi ahih manin mikim in mawhpuak la in pang khawm in I sep khop ding zong I kizawn hi.

Zomi Nam Ni adingin sum leh paai tampi mah kisam a I pan khop ngeina bangmah in tutung zong Khua ki pawl nate panin RM 200 leh biakna Pawlpite panin RM 300 tawh mapang khawm dingin I kizawn hi. Khua kipawlna, Pawlpi bek hi loin mimal mahmah in zong ka minam ni pawi ading kihel nuam ing a ci te zong lungdam takin kisang hi.

2020 Zomi Nam Ni adingin zong vai teng hong van dingin Committee sehna zong kinei pah a, a nuai a bangin ki panmun seh na kinei hi.

2020 ZOMI NAM NI Committee

• President : Rev. Gin Khan En 2. Pa Thang Za Khai
• Vice President : Rev. Timothy Pau Sian Piang 3. Rev Dai Sim Mang
• Vice President : Rev. Thang Za Cin 4. Rev Peter Dal Khan Lian
• Secretary (1) : Sia Kap Za Khup 5. Rev Ngin Khat Thang
• Secretary (2) : Sia Thang Lam Cin 6. Sia Simon Pau Khua Muan Lal
• Secretary (3) : Sia HauThang 7. Pa Thang Suan Piang
• Treasurer : Sia Tuan Sawm Tuang 8. Sia Kam Sian Mung
• Accountant : Rev Thawng Khan Sut 9. Sia Thang Zo Mung
• Auditor : Rev En Cin Pau 10. Sia Thang Dot Mang
• Auditor : Rev Khen Za Dal 11. Sm Cing San Huai
• Committee member
• 1. Rev Thang Do Khen

ZOMI CUP TAWH KISAI TEAM MAKAI TENG TAWH MEETING KINEI DING

Kumsim I neih ngei mah bangin Zomi Nam Ni muakna in I neih ZOMI CUP zong nasiatak mah in kibawl ding hi. Zomi Cup 2020 lutman pen team khat ciangin RM 1000 hidinga, Deposit RM 400 mah hiding hi. Champion a ngahte RM2500 + Cup + Medal, First Runner Up a ngahte RM1500 + Medal le Second Runner Up a ngahte RM1000 + Medal hiding hi. Ki mawl ding ni pen January 24-28, 2020 (Sen kumthak sung) hi ding hi. Ki mawl ding hun leh a mun te a hun zui in hong kizasak toto lai ding hi. Hih Zomi Cup ah Khua Kipawlna min bek tawh kilutthei ding a, pawlpi leh min dang tuamtuam tawh kilut theilo ding hi.

Zomi Cup a lut nuam te anuai a phone No. te ah min sazian kipia thei ding hi. Sia Khuppi 016 383 8014, Sia Tuang Pu 016 254 4093

Team min sazian piak nunung ni ding pen January 13, 2020 (Monday) ni nitak nai 3:00PM in ZAM zum ah kinei ding a, tua ni mah in Team Leader meeting leh Group khenna kinei pah ding hi.

A lut ding khempeuh in aman langin sazian nong piak na ding uh zong I kiza sak phapha hi. Team meeting ah team makai te hong kihel hamtang dingin zong hong lam en ung.

UN AH APPOINTMENT KILA THEI

UNHCR zum ah mithak san na a lunggulh te in online pan in appointment kigen thei hi. Hih pen ei mimal tek in I om na mun pan in lak theih ding in hong gelsak uh hi a, ahi zongin ei leh ei lak ding lem a salo te in I kipawlna ahih manin a thusaupi ding tawh gel khol ding kisam hi.

Tua ban ah hih appointment ngetna ah I zat Phone No. te pen khel thimthum loin hoih tak I zat ding kisam hi. Ei Zomite sungah phone No. a nawh khel mahmah om a, tua bangin I khel leh UN pan appointment hong

pia in hong sap ciang contact ngahloin om leng mi dang supna hilo in ei mahmah I supna pi suak ding hi. Tua ahih manin zum ah I piak sa contact No. te it in kemcing ding zong thupi hi. Hih online pan appointme -nt lakna ei leh ei a la nuamtein ; http://www.refugee-malaysia.org ci-in Google ah at leng hong suak pah ding hi.

Innkuan lutpih nuam a ngah thei nailo te zong online pan in appointment kila thei hi. Ei leh ei a hih thei lote in zong kipawlna zumte pan zong nisim in kihih sak den hi.

2020 ZSM LAIBU KINGAH TA HI

Malaysia zomi Genvai Kipawlna (ZSM) 2020 ading ki lutthei ta a, ZSM laibu te zong kila thei ta hi. ZSM lut man mi khat ciang kum khat ai RM 20 hi a, hih na lutna hang tawh ahamsa a dong tuak I mipihte a panpih, a dah akap hun ah a khitui anulsak na hi gige

hi. Hih ZSM ah member na lut na in nang a ding a pia na hikei a, panpihna akisamte a panpihna hizaw hi. A kisam khat I panpih na in Pasian deihna zong ahi hi. 2019 sungin zong tu ciangciang Zomi pih te luang (29) bang lei ah I tuh theihna in nang leh kei I pankhopna ahih bang mahin mailam ah zong mapang khawm lai dingin zong kong zawn phapha uhhi.

ZSM ADING PANPIHNA HONG PIA TE

• 1. MBF Pawlpi RM300
• 2. Taaklam Khua Kipawlna RM200

PILVANG TAK IN OM SAWM NI

Tuhun laitakin kimat kihen hong tam mahmah a, Malaysia kumpite in a gam sungah phalnalo tawh om mi tampi tak siangsak nuam ahih manin kimat kihenna hong tam to semsem ding hi ci gen khia khin uh hi. Mun tampi ah Oparasi lut kawi kawi ahih manin I omna ciat ah kidawm tak, pilvang tak in om ding hanciam ni. A thukin lua mahmah ahih kei leh vakvak kei zaw ni.

A diakdiakin Immigration te leh CID te uniform silh loin vakvak uh a, tua tungtawn in pawl khat in sum zon na in hong nei beh lai uh a, hong pang kawikawi in tampi pi tawh hong kitan sak uh hi. I vak suk vaktohna ah kiim leh pam zong hoih takin I et theih ding hong thupi mah mah hi. I omna veng kim veng pam ah zong gam tat zia om zia te hoih tak kidawm ciat ni. Mite mitdong ding leh midangte a nawngkaisak lo dingin kidawm ciat ni.

Kimat kihen bek hiloin migilo zong tam ahih manin I kim I pam om zia hoihtak telpha in gamta ciat ni. Na sepna ah thunei te in sitna khat hong neih leh kei pen UNHCR ah gambel in hong san ding ngak in a om hi ing/UNHCR card tawi gambelmi ka hihi. Ka nuntak nading hih teng ah part time tawh na a sem pak hi ing ci-in I gen theih ding thupi ding hi. Malaysia om Zomipih a kuamaciat I omna gam huihnun zia tawh kizui in kidawm ciatni cih hong zasak phapha ung. A zenzen in kimat kihenna khat natuak leh ZAM zum ah hong zasak pah in. Nang ading in a ready sa in om den uh hi.

WELCOME TO ZAM

Kawlgam, Vaigam, tuipigal leh gam tuamtuam pan Zomi tampi omna Malaysia ah hong zin Zomi makai te’n Zomi zumpi ahi Zomi Association of Malaysia(ZAM) ah hong hawh/phak hamtang in thapiakna leh idea tuam tuam piakna nong neih nadingun kong zawn phapha uh hi.

SUM BEI LO IN HA BOT HA SUAN THEIH NA

Hih HA bawhna ah nunglam khat I mipihte ading deih sak in Mimal12 ka paipih leh tamsa lua in tubaan nong pai uh teh 2/3 hi leh kasep danuh nuam mahmah ding hi ong ci hi. Kalungsim ah hipen Topa hong piak ei ham phatna khat himah ei, I zatsiam ding ei lampan ki sam hi cih kaphawk aa, Tua aa kipan a paiding peuh mah kiang 4 tungsiah napai kei un cih ka vaikhak tang tang zelhi. Sum beilo aa kingah teng: A ki pai theih ni kaalkhat khatvei hi-in Nipizawh ni 4 ni (Thursday) nisim 12:00Pm – 4:30Pm hunsung teng hi ding hi.

• 1. Ha Bot 2. Ha Suan atawm mante a tung a nuai suan sak thei 3. Ha zung Bot
• Address: 48, Lorong Batu Nilam 4b, Bandar Bukit Tinggi 1, 41200 KLang, Selangor
• Grab car: Today’s Smile Dental Centre
• Aki cing zaw in a tel beh nuam te a ding
• Sia MungPi—018 312 2954

A THEIH HUAI ADDRESS PAWL KHAT

ACTS CLINIC

• 44A, Jalan Padang Belia, 50470 Brickfields, Kuala Lumpur. Phone : 03 2272 2585
• Monday-Friday 9:00 AM– 5:00 PM
• Sunday –9:00 AM—1:00 PM (Sunday ni naupai te kilak thei lo hi.)
• Saturday leh Public holiday nisim kikhak den hi.
• Grab/Uber—ACTS CLINIC

HEALTH EQUITY INITIATIVES (HEI)

• 26-1A 1st Floor Jalan Vivekananda 50470, Brickfields, Kuala Lumpur. Phone : 03 2272 4957
• BUDDHIST TZU-CHI KL FREE CLINIC
• 221, 4th Floor Wisma LTS, Jalan Pudu, 55100, Kuala Lumpur.
• Phone : 03 2142 1567
• Mon & Tuesday—9:00 AM—12:00 Noon
• Thursday & Friday—1:00 PM—4:00 PM

HAA BAWL NUAMTE

• Wednesday—2:00 PM—5:00 PM
• Sunday—9:00 AM—12:00 Noon
• Saturday nisim kikhak hi. Grab/Uber—Wisma LTS

UN SISITNA MUN, IOM MHD MALAYSIA

• No. 1 Jalan Pahang, 2nd Floor, Level 3
• KPJ Health Care Tawakkal Hospital, Kuala Lumpur
• 53000. Phone : 03 9235 5400

US CO (Culture Orientation) KAH NA MUN

F&B Business Park, 18 Jlan Metro Pudu 2, Fraser Business Park, 55100 (Near Chan Sow Lin LRT Station)

AUSTRALIA TENTAN KAHNA MUN

• A 14-6 Menara Atlas Plaza Pantai, Jalan Pantai, 59200
• Kuala Lumpur. Phone : 03 9235 5431 (Kerinchi LRT Station ngei)

DAHPIHNA PULAKNA

Thalmual khuami, Pyidawtha a teng Pa Thawng Khan Mung leh Nu Ning Ngaih Lun te tapa Tg. Cin Sian Siam in damlohna tawh Shah Alam zato pan in 07 January, 2020 ni-in hong nusia a, tua ni mah in Sungai Buloh han ah kivui hi. ZAM/ZSM member khat ahihna tawh kizui in a vai teng kivan pih hi. ZAM/ZSM pan in zong innkuan pih te tawh kibangin dahpihna I pulak khia hi.

Adah akap khempeuh Topa Khasiangtho in hong heh nem tahen.

TUKAL SUNG ZATO LAM BUAIPIH TENG

• 1. Mung Kim Khai (Laaitui) Damai Service Hospital ah kibuaipih
• 2. Khup Sian Tuang (Pimpih) Ampang Hospital ah kibuaipih
• 3. Ngin Khan Pau (Thangsan) ACTS ah kibuaipih
• 4. Pau Tawi Khup (Saizang) ACTS ah kibuaipih

ZATO LAM TAWH KISAI

Zato lam tawh kisai-in vai khat peuh na neih leh ZAM zum ah hong ko in. Contact :Sia Mungpi 018 3122 957

TUKAL SUNG THONG LAM BUAIPIH

• 1. Tual Deih Lian (Zozang) IPD serdang ah kibuaipih
• 2. Pau Sian Mung (Zozang) IPD Serdang ah kibuaipih
• 3. Thawng Tung Thang (Nahnuai) Kajang thong ah kikan pih in Sungai Udang thong ah om cih kimuh pih
• 4. Cin Sian Khual (Tongsial) Kajang thong ah kikan pih

KIMAT KIHEN NA TUAK LEH

Zomite kimat kihen natuak zenzen uh leh hih phone no. te ah na hopih pah in. Nang adingin atawn tungin kiging sa in om den uh hi.

• Sia Tuang Pu : 016 254 4093
• Sia Zo Mung : 017 663 6087
• Sia Maa Mang : 018 231 1365
• ZAM Hotline : 016 293 9027

ZOMI TE ADING NASEP

• 1. Zam Khan Siang (Laibung) Batang Kali ah nasep kipuak
• 2. Cing Hoih Nuam (Laaitui) Batang Kali ah nasep kipuak

Malaysia gam sung om Zomite nasepneilo in nasem nuam mahmah napi nasep zon nang a lemlote in ZAM zum ah hong dawp un. Zomite ading man ngenloin na sep kizon sak den hi. Contact – Sia Mamang – 018 231 1365