1900 kum a suakte’ haksatna
Kum 14 aphak laitak un “Galpi Khatna” hong kipan a kum 18 aphak ciangun galpi hong vengpan hi. Mihing Teng zanih le sawmnih (22,000,000) in anuntak na uh suplawh hi.
Asawt lo in, leitungbup pulnatna “Spanish Flu” hongpiang khia in, mimal Teng za-nga (50,000,000) in a nuntakna uh hanmual hongliap sankhin uhhi. Hih hunlaitak in amau kum 20 gual pha ta uhhi.
Kum 29 aphak ciangun leitungbup sumzonna bulpi “New York Stock Market” hongkia suk in leitung ah sumzii kiat na, nasep neihloh na le kialpite hongtung hi.
Kum 39 aphak ciangun leitung “Galpi Nihna” hong kipan a, Europe gam sungteng Nazi galkap mang khutnuai ah hongtung in, Japan te’n Sen gam le nisuahna lam Asia gam sungteng hong lazo hi. Mi tampi in gentheih haksatna le sihna manna thuak uhhi.
Kum 45 aphak ciangun Galpi Nihna hong veng theipan in gal sungah mimal Teng za-guk (60,000,000) in a nuntakna uh suplawh hi.
Kum 52 aphak ciangun “Korean Galpi” hong kipan leuleu a, mi tampi mah in sih lawh hi.
Kum 64 aphak ciangun “Vietnam Galpi” hong kipan kik in, kum 75 aphak ciangun galpi hong vengthei pan hi. Sihna manna athuak tampi a om mah bangin agualzo tampitak mah om hi.
Tulaitak i phutkhak haksatnate A haksa hi nailo hi. Eite mai ah mi tampi’n A haksa zaw na thuak khin uh a, A gualzo zong na om ve ve uhhi. Eite zong Hih khuahunsia pan A gualzo dingte i hihi. Joshua Mung
THAPIAKNA MAN
Nipi ni khat biakinn ah tangval khat in la dawng 3 kizom in hong sa a, a aw lah maanlo, a guitar tum lah maanlo ahih manin mipi te’n nuihsan ziahziah hi. Kikhop tuak ciangin Pawlpi Upapa in ”lawm aw la sa nawn kei lecin Pasian minthang zaw inteh” na ci lian hi.
Pawlpi siapa leuleu in ”lawm aw, siamlo pipi mahin Topa i phat ciangin i phat Topa lungdam mahmah hi, mailam ah hong sa zelzel in. “ci hi. A sawt lo-in tua tangvalpa Lasiam minthang khat hong suak hi. Pasian phatna pen A siam kidemna hilo hi. Ih lungsim takpi tawh Ih hihtheih bangin phat leng Ih phat Topa lungkim hi.
KILEMNA LAMPI
Khatvei innkuan khat ah a tano in mei gei-a tuilum bung mulo ahih manin pal kha-in hong kitam hi. A Pa in,” den in mu gige mah hiveng, hem kha lo mawk, kei khialhna hi” a cih le, a Nu in ” kei ma’n a om nading mun ah koih kha lo deldul ing e, kei mawhna hi”, hong cih leuleu ciangin kitot kiseel nading hong om nawnlo hi. A mawh kituhna pen ki niamkhiatna hi a, kilemna lampi hoihpen ahihi. from Sin Thu
Comment piaknop aomleh...