ZYA News: Min Aung Hlaing le Archbishop Charles Bo kimu

ZYA News (August 25) Min Aung Hlaing le Archbishop Charles Bo kimu

ZYA ZUM INN MABAN : ZYA Zum inn mabante Pasian hehpihna leh Zomite piakkhiatna tawh tu in 80% bang a kizo ding hita ahih manin maban omlaite i zawh siangna dingin mimal, kipawlna, pawlpite hanciam khawm lai dinghi hang ci-in i kithum nuam phapha hi. Zum inn lamna dingin kamciam a pia nailo a kua mapeuh in zong ahun lap in nongpiak kim ciatna dingun kong zasak uh hi. Mimal leh pawlpi, kipawlnate a tuamin lunglutna i neih leh anuai avante kisam mahmah in i mimal min, kipawlna, pawlpi min ding leh amangngei nawnlo ding kihelna suak ding cih lunggulhna tawh kong zasak uh hi.

1. Step Up (20 kv) meitha hatsakna Ks. 1170000/
2. Air con a kitung no. 3 te Ks. 580000/- inn tung inn nuai ading 3 kisam.
3. Kawtut phah (100) kim khat ciang Ks. 8000/
4. Tuisiang votsakna (Water Cooler) Ks. 150000/
5. Nakoih votna (Freeze, a&cJowåm) Ks. 450000/-ZYA

NEWS TAT MAN ZAKSAK NA : ZYA pan kihawl Kalsim thu kizakna ahi ZYA Weekly News tatman Ks. 2000/- te October kha bei ma in Agentte tungah na piaciat un la, Agentte in ahun lap in ZYA Zum ah nongpuak kimciat nadingun i kizasak hi.

BAPTIST LEADER SUMMIT 2017 : ZYA in innteek semin Kawlgam sungleh gamdang a om, Zomi Tuiphum pawlpi makaipite Oct 30-31,2017 sungteng samkhawmin tukhawm, nekhawm, dawnkhawm banah mailam Zomi Tuiphumte kimakaih zia ding elh kalsuanzia ding muna ngaihsutnate sungkhawm, kukum khawm dingin kisam ahih manin thuhoih hongpian khiat theina dingin akua mapeuh in thungetna tawh phawkciat dingin i kizawn hi.

$ AWN 200 WORLD BANK PAN : Kawlgam sungah sum le pai zonna khantohna ding, sum tawh nasepna ahoih semsemna ding (Development Policy Operation) adingin Leitung sum kholna(World Bank) panin akhatveina America $ Awn 200 leitawi dingin thukimna Aug 18, 2017 ni-in suaikai uh hi. Hih sum leitawite pen amet omlo hi a, kum 38 sung adit kik ding banah kum 6 sung kingak bawl thei la ding ci hi.

SENIOR GENERAL MIN AUNG HLAING LE ARCHBISHOP CHARLES BO KIMU : Kawlggam galkap lianpen Senior General Min Aung Hlaing in Aug 22, 2017 ni-in Nyipyitaw Bayintnaung Guest House ah Kawlgam RC biakna lam ah a lianpen Car-dinal Archbishop Charles Bo tawh kimu khawm uh a, Archbishop Charles Bo in Kawlgam sung kilemna om nadingin hanciamin kitel khialhna kilemlohnate kilem theihna ding lampi zongin hanciam dingin ngetna bawl hi. Kawlgam bupi-in i kisap lianpenin kilemna ahih manin kilemna ding nasepna-ah a mapan khopnopna leh sabuai (Table) khat mahah tukhawmin vaihawm dingin makai khempeuh tung thumna zongnei hi.

KAWLGAM-INDIA KUNGAH VAI : Kawlgam panin India gamgi Tamu leh Rihkhuate paninKungah (uGrf;oD;) kipuate pen India Kumpi-in phiangsiah (Tax) lak sawmta uh ahih manin tu laitak lampi kikhak tawh kibangin omphotta dih ci uh hi. Ni dang in Tax omse lo in utut in kipua in met mawhlo a, tu in apuak man, vankhia, vanguang man tawh kisum hi ci-in tua lam semte tung panin kiza hi. 2014-2014 kum in Kungah taan 8452.210 kipuato in $ Awn 7.706 kingah in 2015-2016 kumin taan 20379.710 kipuato in $ Awn 16.784 kingah in tu kum 2016-2017 in taan 21492.390 kipua in $ Awn 18.843 kingah hi a, tu tadih in kikhak phot banah zong metlo cihna hi.

TUISIANGTHO BAWLNA 6 KIKHAK SAK : Yangon khuapi, Mingladon Township sung om tuisiangtho bawlna setzung (Factory) 6te pen Kumpi phalna theihpihna neilo 3 leh tuisiangtho bawl nading tawh kituakin abawllo 2te leh phalna kum/term bei (oufwrf;vGef) 1 te ani ciangtan omlo in kikhak sak a, Kawlgam sungah hih munte pan kibawl tuisiangtho hong zuak uh leh thukhun om bangin thu kibawl ding ci-in tangko uh hi. Kumpi khak tuisiangtho minte 0wD? tmoDo? *lygOD;? A 10 mile, Clever leh Rexte ahi hi.

YANGON AH TUI BUS TAI TA DING : Yangon khuapi sungah Motor tam lua in Motor kigak cip (Traffic Jam) den ahih manin tua haksatna huhna kawmin, Yangon khuapi sung a luang Hlaing gun tung tawnin tui Bus (Water Bus) tu kha bei kuan lamin kitai sak ta dinga, lam kim Ks. 300 leh lampat pan atawp dong Ks. 500 dingin kipsak banah Hlaing thaza panin Botadaung ciang nai 1 1/2 bek sawt ding a Water Bus 13 tai sak in zumkah hunsungteng in mi 300 pua zote tai sakin sun mi tawm hun sungteng mi 60 tate taisak dingin gelna kinei hi ci-in makaipi Dr. Maung Aung in gen hi.

AYAWADY GUNPI KHANG : Kawlgam sung a gunlian pen Ayawady gunpi pen tu ni ciang tui khangkhangin gun dung suk ateng khuamite in mun muanhuai zawkna munte ah kisuansak in gen theihna thuak uh hi. Tua lak ah wHwm;OD; Township sungah mipi 5227te xD;csKdifh Township sungah mipi 1692 leh jrif;rl Township sungah inn kuan 1438, mipi 5994te tung ah Kumpi lam panin hunna piakna zong nei uh hi.

MI ZUAK SIM NUMEI 2 KIMAN : Kachin State, Moe Kaung Township a om Manzuat khua-ah Ma Thi Thi kum 20 pen khua sung panin Daw Nen May kum 42 leh Daw Kyi Swe kum 57te in Myikyina ah niangtui sai ah sem dingin kha sum khakhat Ks. 150000/- sang ding ci-in kha thum ai Ks. 450000/-pia in kha 4 sung innlam tawh thukizak na a omloh ciangin a nute in palik ko uh a, Aug 17, 2017 ni-in Mondalay Bamaw lampi tungah Daw Ne May leh Daw Kyi Swete manin Sen gamah Daw Moe Ye tungtawnin kazuak uh ci hi.

KIZEP NA VANHOH LOTE : Kawlgam sung a hogn kizuak kizepna vante lak ah anuai ate pumpi cidamna ding hoihlo lauhuai hi ci-in thuneite in pulak khia hi. No Vanmin  Company min Itemulavak Day & Zenith Ventures Nigth Cream Sdn. Bhd, Malaysia 1 MEYYONG Seaweed xdkif;bmomjzifhazmfjy Extra Whitening & face xm;ygonf 2 ANGKOR Cucumber GuangZhou Qianya Nono Whitening and Cosmetic Co.ltd, China Nati Wrinkle Package Day Cream+Night Cream

INDIA GAM TUI CIIN TUNG : India gam Bihar State ah tui ciin tungin mi 127 val in sihlawh banah mipi Awn 10 val in inn le lo nusia uh hi. Tua banah Sazan Dam kitamin khua 10 valte tui dongtuak uh a, Helicopter 2 leh Boat (a&,mOf) 2330 in huhna pia in misite khat ciangin $ 6226 ta a inn kuanpihte pia ding ci-in State Kumpi lam pan pulakna nei uh hi.

INDIA AH MEILENG TUAHSIA : India gam Delhi khuapi panin Hindu biaknate khua siangtho (Holy City) Haridwar, Uttar Pradesh State zuan atai Meileng khat Aug 19, 2017 ni-in tuahsia in mi 23 si-in mi 123 liam a, tu kum sung adingin Meileng tuahsia anasia 4 na leh Uttar Pradesh State adingin a thumna ci uh hi. Hih bang Meileng tuahsia pahpahna ahang Kumpi lampanin limtak in kan khiatna neih dingin mipi lampan leh Kumpi lam panin gelna thak nei uh a, Meileng hawlpa thusitna nei masa pen ding ci uh hi. India gam pen Leitungah Meileng limzat gam 4 na hi.

US TEMBAW LEH NAMGIM PUA TEMBAW : Singapore gam nisuahna lam tuipi tungah Americate neih galkap tembawpi khat leh namgimtui (a&eH) pua tembawpi khat Aug 20, 2017 zing lamin kiphukha in tembawl nasem mi 30 mangthangin mi 5te liam uh ci hi. A mang tembaw nasemte a kizonsan lai tak hi a, US tembaw pen tui piau gei (urf;ajc) dong kihawl suak thei-in namgim tuipua tembawl pen bang ci cih kithei lo ci uh hi.

Related: ZYA News: Delhi pan hongnusia Pa Dopi vaidawnna

LUNGDAMPIHNA : Zogam Hakha khuapi a om ngeina lam kepna zumpi a sem Pa Awn Khan Kap (pension) i zi Nu Ngai Hau Niang (Nu Haupi) in Aug 24, 2017 ni-in amau zum ah Chin State sung a ding alianpen za Asst. Director hongngah ahih manin Zomi numei khat State level ah Topa’n hong tawisang sakin alawmpa munah alawmpa zamah ngah cih pen a om mengmenglo thupha khat hi ci-in lungdampihna ZYA News pan kong pulak uh hi.