ZYA min tawh vai thupi tangkona

ZYA min tawh vai thupi tangkona Nimit : Aug.27,2021

Kawlgam hunsia in Zomi sung hong huzapna sungah;

1. Aug.20,2021 Friday. 9:15 am in, Pu Kam Suan Mung (ZYA President, Layseih Store) inn kibuluhna pen Pu Vum Za Nang (ZRDP) thupuak man hi, cih thu,

2. Aug.25,2021 ni a, Pa Vum Za Nang inn ah bomb kitam pen Pu Kam Suan Mung khutma hithei ding cih thu,

3. Pu Pau Lun Min Thang leh Pu Vum Za Nangte Social Media tungah Agatha Nuam Post thu;

Hih atunga thu 3-te hangin Zomi sungah siatna hong tunkhak ding ZYA kilunghimawh a, Zomi makai aomthei teng samkhawm in thu kician akitheihna ding lunggulhna tawh Aug.27, 2021 (Friday 1:00pm.) in Bethel Zomi Baptist Church, Kalemyo ah holimna akineihpihna tungtawn in muhkhiatnate mipi tungah kong tangko khia uh hi.

Tangkona #1. Aug. 20, 2021 (Friday, 9:15 am) in Pu Kam Suan Mung inn akibuluhna thupuak pen Pu Vum Za Nang hilo ahihna kong tangko uh hi.

Tangkona #2. Aug.25, 2021 in, Pa Vum Za Nang inn ah bomb puakkhapna vai ah Pa Kam Suan Mung khutma hilo ahihna kong tangko uh hi.

Tangkona #3. Pu Pau Lun Min Thang leh Pu Vum Za Nang-te a kimawhsiatna thute tawh kisai in Zomite in i mawhsiatna ding thu omlo bekthamlo in nop hun ahizongin haksat hun ahizongin Zomite taisanlo in ahuh, apanpih mi thupite in kiciamteh hi. Adiak in MP tampi i neihte sung pan in buaina leh Covid-19 galmai ah hong nusialo-a, i mai ah kikham in hong huh hong panpih Pu Pau Lun Min Thang tungah lungdamna kiciamteh hi.

Tangkona #4. Hibangin Zomi sungah kitelkhialhna apianna ding leh luangleban paitheihna ding vaihawmna ah akihel peuhmah Zomite kipumkhatna hong susia nuam, Zomite khantohna ding a daltan in kiciamteh a, cihmah hun in hibang ngawngtatnate Zomi Khangnote in kilungkimpih ngeilo ding hi.

Tangkona #5. Pu Kam Suan Mung le Pu Vum Za Nang-te tungtang thupiangte i et ciangin mite in Zomi sung kisiatna ding nak vaihawm mahmah uh ahihna kilangh mahmah hi. Tua ahih manin Zomi makai a kuama peuh i pilvang ciat ding leh kisiatna ding thu hong omkhak lezong Pu Kam Suan Mung leh Pu Vum Za Nangte mah bangin thudam tawh i holim khawp zawk ding kong tangko uh hi.

More: Coronavirus tawh kisai Kalaymyo kuam ading ZYA pan zaksakna

Tangkona # 6. Hih a tunga thu 3-te tawh kisai in makaite kimuhkhoppihna tawh thusiang khin ahih manin Social Media a post-te in i hepkhiatkikna ding leh gamsung gampua a-om Ulenau leh akua mapeuh in zong i pehtawi nawnlohna ding kong tangko uh hi.

Tangkona #7. Zomite ki-itna, kipumkhatna leh khantohna siatsak thei ding thu peuhmah Social Media tawnsaklo in Zomi Pu le Pa ngeina mah kemcinga, mimal kimuhkhopna leh holim khopna lampi mah i zuihzawk ciatna dingin kong tangko uh hi. ZYA HQ