Zunkhum adingin a hoih khai gah te

Khai pawlkhat pen zatui dingin a hoih om hi. Zatui pawl khat pen nisima I neek khaigahte tung pana kibawl khawng peuh hi thei hi.Gentehna in Penicillin bang bread Mold(moh) pana kibawl ahi hi. Vitamin C zatui a om ma in vitamin C taksapna hangin Scurvy natna om thei zel hi. Tuabang te pawl lengmaw leh sek(lemon) ne leeng dam thei hi.Zunkhum natna pen natna lauhuai khat ahi hi. A thupoina khatah a vei pawlkhat in a vei lam nangawn uh a hunlapin ki thei lo uh hi. A kitheih tak ciangin zunkhum banah tua tawh kizom natna dang tampi hong kipan ta hi. Tua ahihmanin pilvaan kuul mah mah hi. Pasian bawlsa khaigah Zunkhum a dal thei pawlkhat om hi, tuate tamlo gen leeng;

Tangkha (bitter melon):

Nidanglai pek pan in mi pawlkhat in tangkha pen zunkhum zatui dingin zang uh hi. Zunkhum pen a taangpi thu in picin khita kivei(adult onset diabetes) hi. Scientific Research kibawlna pan tangkha ah zunkhum natna a do insulin nasep bang a sem thei om cih kimukhia hi. Tuate charantin leh insulin-like peptides kici hi. Charantin pen tangkha a khatna om genna hi.Tua ten sisana glucose niamsak thei hi. A sinna in tangkha keu gawizan nisimin sikkeu dim nih(2tespoon) ne sak den uh hi.Tuabang a ne 54% pen a blood Glucose uh niam takpi hi.Phillippines gam bangah tangkha pen ampalaya ci uh in zatui dingin limzat peuhmah uh hi.Tangkha tui pen cidam nangin hoih cih thei uh hi. Tua ahihmanin tangkha gahno leh a the huankhawm in a tui hawp dap dap uh hi.Tangkha keu pen gawizan uh a niangteh dan in zangin a tui dawn uh hi.Tangkha pen zunkhum ading bek hiloin hoihna dang tampi nei hi.Nutrient tampi om mawk hi. Vitamin A,B,C leh minerals ,potassium leh calcium tam hi. Zunkhum vei a tamzaw pen Vitamin C aki tangsap man uh ahi hi. A sisan ua a khum nam khat sorbitol a tam man zong hi thei hi. Vitamin C in sorbitol level sang ding dal thei hi. Tangkha ah vitamin C banah fiber zong tam peuhmah bilbel hi.

Mehnaal (okra):

Mehnaal ah fiber class sang soluble leh insoluble tam ahihmanin zunkhum adingin hoih hi.Fiber in pumpi a a khum namte handle thei hi.Zunkum adingin fiber a hoihna Prof. Dr. Chandalia VA Medical Center ,Dallas in zumkhum vei mi 14 te tungtawn in sinna nei hi.Amaute laka a lanng(half) pen nisimin fiber 24gm nesak hi. Adang te nisimin fiber 50gm nesak hi.Nisim a fiber 50gm a ne dente blood sugar niam zaw tham mawk hi.Hih panin Okra zunkhum zatui dingin a hoihzia kilang hi.

Thawhbat (Avocado):

Thawhbat ah thau(fat) leh fiber tam mah mah hi. Ahizongin thawhbat a thau om pen a hoih monounsaturated fat kici hi. Hih in cholesterol leh blood sugar niamsak thei cih kimukhia hi. Zunkhum vei pawlkhat kaal 4 sung zunkhum vei midangte sangin monounsaturated fat ki tampiak zaw hi. Kaal 4 khitciangin tua mite a sisan khum uh kiamzaw cih New England Journal of Medicine, September 1988 in kisuaksak hi.

Lo uih kaang (Garlic):

Lo uih kang zong a hoihna tam peuh mah hi. Misiam ten lo uih kaang ah zunkhum zatui dinga kizang orinase om cih mukhia uh hi.Tua in sisan khum tamlua ding pan keem thei hi.Lo uih kaang ah hormone nam khat om hi.Tua in pumpi a insulin a omsak pancreas kici thapia hi.Tua banah lo uih kaangah fiber zong tam hi. Nupi zunkhum vei khatin nisim in louih kaang zung nga(five cloves) ne zel hi.A sawt ciangin a zunkhum pen normal in zatu neek kuul lo in damsuak hi.

Pasian in mihingte cidam taka I om ding hong deihsak hi(IIIJohn 2:1).Taksa cidamna banah lungsim cidam dingin zong hong deih hi.Tua manin mihingte cidamna dingin theigah tampi na piangsak hi(genesis 1:29).Tua pasian bawlsate zatui dingin a hoihzia tulai misiam ten mukhia zel uh hi.

Pau Tun Thang