Zuauphuah siam nungaknu

Zuauphuah siam nungaknu

Nungak melhoih mahmah khat a inn sungah ihmu in a om’ laitakin guta khat a inn sungah hong lut hi. Gutapa in sum le innsung vanmanpha tampite a lak khit ciangin nungaknu mu a, iplah a hih manin tua nungaknu mawhpih dingin lupna tunvah pai hi. A khut tawh nungaknu lemcip a hih manin nungaknu kipek zo nawn lo hi, tua laitak in nungaknu in ngaihsut khat hong nei a, hehpihna tawh hong thum ing, va neihsate na ut leh la inla kei ka hih leh bang mah hong cih kei in, ci hi.

Gutapa in , ha ha ha, a hai hongsa na hiam, nang bang a nungak melhoih khat, hi’bang hunlem ah hong luppih kei leng kei sang a hai zaw om nawn ding a hia, na neihsate nong pia kei zongin kong luppih khit teh ka’ngah ding hi veve lel ci in dawng hi. Tua nungaknu in, hi hi, hih vante pen nang a ding hi mah hi. A hi zongin hih vante pen nang a hi phial mah leh kei tawh lumkhawm le cin khakhat zong zang man nawn lo ding hi teh, kei pen a lamdang mahmah natna khat a nei ka hi a, tua manin kanu kapate in hih innpi sungah kei kia bek hong koih uh ahi hi.

Ngaihsun dih ve, ka mel zong hoih mahmah napin bang hangin pasal nei lo ka hiam, bang hangin neihsa hau mahmah napin ka inn sungah nasem mi om lo a hiam, cih leh ka natna pen nasia mahmahta a hi manin ka kiang a om mite zong huih panin kilawh thei ahi. Tua manin ka kiangah kua mah om nuam nawn lo uh hi.

Hih natna tawh a si dingte pen a sihma in a pumpi uh uih gawp masa a ,a hingtangin muat uh hi. Nang zong a manlangin kakiang panin kihemkhia meng in, na zi na tate lawh ding hi teh, na lawmngaihte na lawhma in paikhia meng in, ci hi. Nungaknu kammal gutapa in a zak ciangin a a van guk dingte zong la man nawn loin manlangtak in tua inn panin tai khia vingveng pah hi. A hunzui in haksatna pelh siamin

Lungdam
Job Cin Pi
Zomi laisim nuamte