Zomite lak ah a kilamdang mahmah muhna nih
Tu laitak Zomite lak ah a kilamdang mahmah muhna nih om hi. Khat le khat man/dik kisa lo tuak uh hi.
“Zomi” cihna ah i perspective kibang lo hi. Thu sin in, kan in, khingkhai in theihtel sitset na tawh thu ngaihsun a thugen mipil pawlkhat om a, mi’ gensawn zakna ciang leh mimal or kim le pam khualna ciang lel tawh thugen pawlkhat om hi.
I etna perspective kibanglo ahihman in i deihna leh dik i sak kibang lo hi. Nambat 6 alu pan a en leh ataw pan a en mi nihte in amuh uh kibang napi a muhna kibanglo.. tua tawh kibang hihang.
I Zomi hihna leh Zomite’ mailam ding atung pan en a a galkhat tawh a enkhawm a mukhawm pawl in Zomi identity buaipih mahmah uh hi. Pawlkhat in i minam pen Naypaydaw pan 
leitham zui in en ahihman in Zomi identity thupi sa khollo uh hi.
Ahi zong in anih tuak in a mipih Zomite’ khantoh nading leh nopsakna ding deihsak na leh lunggulhna tawh a en, a gen, a semnuam ahi uh hi. A taktak in hih muhna tegel kitawng kinial saksak lo in hualkhawm thei hi le’ng nakpitak metna leh khantohna a om zaw ding ahi hi.
Tua kawmkal ah a nawngkai mah mah pawlkhat om hi. Atung pan en a muhna ahi zong in, Naypaydaw pan leitham zui a muhna ahi zong in, hihte khat peuhpeuh metbawl a angsung, ipsung leh mi tawmnokhat ading a aipeng hamphatna a zong niloh pawlkhat om citciat hi. Tuate in hih muhna tegel metdok nuam uh ahih man in i minam sung ah aki lemh theilo phial ding muhna suaksak mawk uh hi.
A taktak in hih muhnate anih in akhial omlo hi. I gawm khawm ding a thupi ahi hi. A nawngkai pen tua aki lamdang muhnate’ kikal a amet dok nuam a littdawk abang niloh teng ahi hi. Tuabang angsung zonna, duhhop huaihamna i minam Zomi leh i Zogam pan i beisak zawh mateng hih perspective nihte ah conflict om den ding ahi hi.
Nam leh Gam lungsim siangtho tak a a-it, a ngai, a deihsak khangthakte pilvang tak a thu i ngaihsut ding leh thuman pom a i dinpih tinten ding i lunggulh mahmah hi.
Pau Khat Suan
Facebook Group Link http://goo.gl/1Nqnoe
Comment piaknop aomleh...