Zomite Kuploh-a Zogam Leitang Akingen/Ak
Sanggam Ngaihteng,
Tusung internet pan-a thukizaakna ziak-in Kawlgam lam pan-a keimah mimal veina-tawh kanna pan-a thungahna tungtawn-in;
Zogam leitang acre tampipi aleitangnei mite dong vetlo, kuppih vetlo, mihing-a sehloh, bangmahlo bang-a sehna-tawh leitang kingetna/kipiakna thute laainat-huai tak-in kiza-hi.
Hihbang thu peuhmah-pen democracy-tawh akilehbulh ahihlam Zomi uliante-in nguntak, cilgil tak (serious)-a hong ngaihsut ding-uh naakpi-in ka’ lunggulh-hi.
Penglam honkhat-in “internet pan-a gengen sang-in ciah-in seemve” cithei uhhi. Haii kician phadiak cihna ahihi. Kawlgam ciah-a sepding zah-in Kawlgam-a Zomite tuazah liang-a ahaii hilo thamlo-in, naakpil mahmah, kumpi-naseem zaalian mahmah, ahau mahmah adiil-in om-hi. Keibang-a gamdang-ah cihmawh dongtuak gaaltaai-a a-omlel khat-in lunggulhna (lungdeih sinthu) akisung hizaw-hi.
Zomi ulian, mipil, milian, mihaute koi-ah omkhin nahi uhhiam? Azenzen-in, Zomi ahidiak Zomite’ gamlei-ah hihbang thu hong-om mawkpen khutzep-a etding akolawmlo ahihi. Nidang-in Hausapite, Khuasaatpite-in hihbangte daaltan uh-a, amau’ ukna sung-a a-omte huu, hum, daal uhhi. Tua’ hun sang-a gamhuu, gamhum ding hun hizaw ta-hi.
Pau kibanglo, ngeina tawnzia kibanglo, hong deihsak ngiatlo, hong haza minamte hihbang-in I’ gemlei-ah gamta sakding adikmah 
ahihiam? Azenzen-in Chin kici phial lehangzong Chin State sung-a ngeina kician-zong aneilo namneu khat-in ngeina kip anei Zomite’ tungvuum-ah banghang-a hong vaaihawm laaizang ding ahihiam? Cik hun, banghun-in amau’ humsa, amau’ huutsa, amau komlehhuai sa-in omngei I-hihiam?
Zomi sung-a MP te, minam MP te, political party update, minam kipawlna makaai upate-aw, hihthu naakpi-a ngaihsut-huai, action laak-huai ahihi cihthu keimah mimal’ muhna hongsung-ing. Sumlehpaai zat akuulleh kizasak ciatding hihang! Peek khat peek nih tek-tawh kimapang nuam mahmah leldinghi.
Gamdang-a Zomi minsel kipawlna makaai khempeuh-aw,
Refugee hihna-tawh Zomi hihzah gamdang kitung hiteei taleh Laimite-zah lang-zong kitung naailo-hi, amau’ hong daaltanna ziak-zong hi ahihman-in:
Kikum un! “Ka’ gam uh-ah Laimite leh Kawl Gamukte kihothei lua kisa Zogam kacih-uh Chin State Leilulam teng-ah ko gamlei neite mihing-in hongseh lo-in, amau’ singnuai gaalkaap phualding paulam-in munlehmual kingen-in kipia uhhi, hih mite Kawl Gaalkaapte-in bawlsia cihthadah khutzat-in nei-hi. Refugee hilo uhhi” cih beek-in pansawm dih un!
Minam minsel lianluan, makaai upa seem lianluan, bangteng seemseem I-hiam? Cialpi khaam, pawibawl ciang-tawh pulpit lam-ah tut beubau ciang-tawh hi I-kisak niloh kaal-in I’ leitang mahmah ahemhem, abeibei hita-hi!
Hihbang thute mimal khat’ septheih a-omteei hang-in muiibunh zolo-hi. Taangpi’ septheih taktak-zong hilo-hi, taangpi’ lutang min bek-tawh amuiibunh namte ahihi. Taangpi theisak khollo-a makaai upate-in phualpi-khawng ana buluh khiankhian na-hih uhleh hong telsiam un, I’ veiluat man-hi.
Bangbang ahizong-in kalsuan hun mahmah ta-hi! Hun-in hongkheng ding-a, tua ciang-in cikmah ciang-a amang ngei loding khangsawnte’ laainatna lawh dinghi. Zomi khanglo inla, thokhia ta in!
Zomi Pasian’ Thupha!
Zokhai
***********************************************
T. Zokhai ITNA-IN GUABANG HINNA-HI
60 Narr-Maen Drive
Croydon Hills VIC 3136
Melbourne, AU
Tel: +61 39723 0460
Mob: +61 420 800 560
***********************************************
Comment piaknop aomleh...