Zomite Angtanpih Pak nam (3)

Zomite Angtanpih Pak nam (3)

Phuitong
Phuitong pak pen sanciik lualo in,san hiuhiau hi. Zogam mualkuam munkhempeuh ah om kawikawi hi. Phalbi zandam daitui nuaiah thumlo/taulo in a ma hoihna khempeuh tawh Tunnu Zogam hong zeem hi.

Neisok

Neisok pak hun leh phuitong pak hun kituak hi.Neisok pen Zogam mualsang dawn huihtamna leh kenlak,suanglak teng ah hong om zawsop hi. A pak pen sanciik mahmah in, sansilsial hi. Nizang bang in tan leh et lawm semsem hi. Zogam khang lamah Neisok pakte tawh zu bawl uh hi.

Zoheisa/ Heisa Pak

Heisa pak pen taamlak/gamtak namun sing dawn bek ah kimu hi.A pak san hi.Zogam leitang hong tuulta ahih man in,a omna ding singkung nangawn hamsa ta aa, Zomi khangthak ten kimu kha nawn mello hi.

Et lawm mualkuam Zogam ci’n Zomi cipeuh in, i kipaakpih mahmahna ih pak unau thum teng hang ahi hi. Pasian in Zogam leitang pakbang a tawina leh Zomite hong itna hong lahna khat cileng ki khial lualo ding hi.Zawlla /gam itnala/ zawlthu sung laisung leh lakam sungah zong hi pak sung pan nam khat teitei a kihel kei leh picing theilo hi.Zogam ah hi pakte omlo hi leh i la phuah ding leh i zawlthu gen ding tawm mahmah ding aa, deih bang in zong muibun zolo ding hi.

Mipawl khat ten Zogam pen kenlak suanglak peuh ahih ciang Pasian in leitung a bawl lai in,zawng leh ngaute tualbial nading bek aa,a bawl hi ci mawk uh hi. Ngaihsun thei hi leng Mihingte pilna/siamnate tawh a kimutheilo a ki bawl theilo Zogam ah Pasian in, na hoih tampi hong pia hi.

Pasian hong piak na hoihte kepsiam ni. I kepsiam lohna hang in Zoheisa pak te zong hong beibeita hi.I kepsiam kei leh hong cimang ding aa,Zogam mualkuam cipeuh so naving ving ding hi. A thum ngeungeu mimvatte thumnawn lo ding aa,a tau ngeungeu lawktate na ngawn in, hong nusia pelmawh ding hi.

More: Phuitong tongciam ~ Peter Suumpi

Namdangte in Neisok leh phuitong min azaknak uh leh Zomite a mitkha vuah hong luaisak pah uh hi. South Korea, Japan, Sen (China) te phuitong pakvai tawh ki tawngtawng mahtase leh Ih Zogam-ah suansuan zong kulselo hong om pen Pasian thupha ahi hi. Tedim Municipal