Hunthak le Mothakna (2) ~ Lian Tuang

Hunthak le Mothakna (2) ~ Lian Tuang

4) Inn nasepte pen mote sep ding hi, amau tavuan hi ci in amau khut bek I ngak pian ciangin, inn nasem dingin ong lak uh hiam tu le ta dingin ong lak uh hiam ci in a lungsim sunguh ah amau le amau kidongdong uhi.

Minam dang ( kawl, Mang.., ) mo nei hi leh hi bang dan mah in a bawl uh tam maw ci in a lungsimah gelgel uhi. Kuama phawkpih loh in lunglen lawh ngiengei uhi. A pasalte nangawnin phawkkha lo lai hi.

5) Mote kiangah na inn bangin ngaihsun pah in, sep ding a om leh sem in la nek ding a omleh ne in a kicih ciangin lungdam mahmah uh hi. Ahi zongin um zo taktak lo uhi.

Kamsiam hiam a taktak hiam ci in Tekte le manawh lamte gamtat kampauzia le mit-hetziate lametna lianpi tawh en liplep uhi. A innteh zawh dingun hanciam in kisin tantan uhi.

6) Innkuan sung nuntakzia sungah kisam le thupi ngaihsut ding thute zong kamnem le thupi khual takin kigen khol thei pah leh lunggulh mahmah uhi. Zuihloh phamawh hi cih dan hi loin hih bang danin a kalsuan hi hang ci in kigen thei lai leh lunggulh zaw lai uhi. Tua bang hileh lawp takin zuih sawm pah uhi.

7) Mothakte in a pasal bek tawh hi loin a manawh khempeuh tawh ki it kilem ding alunggulh lian pen ahi hi. Ahi zongin theih ngeiloh mite kianga zin tung bangin kingaihsun in alungsim neu in pangpa kisa mahmah phot hi.

Thakhat thu in inntek tang thei loin kisuang tawntung lai ahih manin a lungsim bangin gamta ngam pah lo hi. Lian Tuang