Zomi ten i ngaihsut ding thu pawlkhat ~ King Mang

Zomi ten i ngaihsut ding thu pawlkhat ~ King Mang

Dear lai sim u leh nau teng,
1. Kawlgam ah November 8, 2015 in ki tel na om takpi ding hi, ahi zong in kitelna ah azote uknaza ki ap ding cih thu thunei galkap te’n genlo uh hi.

2. Galkap te ong ukcip deih hetloh na lahna in, mualtung mi teng, Zomi or Chin te in, USDP te mee piak loh ding hoih hi. USPD supporter lawm leh gual te’n ong theih siam un, ami akici hi lo in athu paizia policy a ki gen hi.

3. 2010 constitution a kilaih/puahpha ma siah, telkul kilkel lo in galkap ten lotdaw ah 25% a ngah lai teng, federal democracy aom ma teng Kawlgam ah lamet bang in kikhelna bang mah om lo ding hi. Mualmite hamsia den hi.

4. NCA pan in 8 tawh kumpi in kilemna a bawl pen UN, USA, EU, India, China te in thukimpih uh ahih man in, Kawlgam ah tutadih in party te sang in thautawi te mah ki thupisak zaw cih ki mu hi. Tua ahih man in Zomi te in ZRO- ZRO-East tawh maa i pan ding kisam hi.

5. Zomi te’n “Peace through strength” lampi tawh i kal suan ma siah ong ki awlmawh lo ding hi. GTN: Tedim-Tonzang in USPD MP tampi i neih hang in, ei sang in CNF te khuapi Haka in district, university, hamphatnate ngah hi.

6. Haka-Thantalang te’n agam uh a puah na ding in kum khat in $150. ta apia members 4000 omkhin hi. Kum khat in amau gam ading $600,000.pia khia uh ahih man in, Kawl kimpi mai et zo uh hi, gam dang NGO leh biakna kipawl na te’n zong a zah tampi in huh beh lai hi.

7. Zomi te’n i ngaih sut mahmah ding in, “Khaici vawh lo in, an kilalo ding hi” isep kei leh thaman ki sang lo ding hi. I tha tawh hi zolo ding ahih man in Pasian um takpi muang takpi ding, LST tawh ki tuak in nungta takpi dihni.

Adang tampi ziuh ding igen ma in, makai te nung zuih siam ding, 1/10 leh citpiak na ki sin masa dih ni.

Zomi te lungkituak hanlungciam khangto diam. God bless Zomi. Topa thupha. King Mang October 27, 2015