Australia nupikhat dailenbuk azatlaitak gul in anuaipan tuto

Australia nupikhat dailenbuk azatlaitak gul in anuaipan tuto

Australia, Queensland sung aom nupikhat dailenbuk azat laitak in anuaipan gul golmahmah khatin tuto cih 9News pan kiza hi. Tua nupinu pen amin Helen Richards kici a, dailenbuk azat laitak in anuaipan asauna Pi 5.2 (1.6 Metre) apha gul golpikhat in tuto ahih manin awnggawp in diangkhiagawp cihi.

Helen Richards pen Queensland, Chapel Hill aom innsung khatah azatngei mahbangin dailenbuk “Toilet” zangding in paikhia hi. Dailenbuk tutna “Toilet Seat” tungah atut laitak in atawbo ataksat khat omin, tuakhit ciangin ana hongkipan ci’n genkhia hi.

Tuaciang in bang hipeuhmah hiam ci’n anuai a etsukleh Toilet Bowl sungah gul agol mahmahkhat nakivial venvanmawk ahih manin, Helen Richards zong laulau mahmah in diangkhiagawp hi.

Ahi zongin a bombi sungteen “Knickers” pen kiasuk in, akhe ngawng ah awksuk sawnsawn ahih manin, laulua in taigawpding acih kawmkal ah taitheilo in tuksuk sawnsawn hi.

Tuakhit ciangin tua dailenbuk ii asinn Toilet Seat pen sinnsuk in, atungah paakbel khat tawh nensuk a, gulpi ataikhia theilodingin nencip masa hi. Tuakhit ciangin gulmatsiam Snake Catcher te samin Toilet Bowl sungpanin hemkhiasak hi.

More: Malaysia, Puchong vengsung innkhat ii dailenbuk pan gulpi khat pusuakkhia

Tua gulpi pen Carpet Python akici Thaam gulpi namte hi a, gu aneilo te hibilbel ahih manin, gultuk athuak nupinu pen bangmah lauhuaina omlo bilbel hi. Dailenbuk nazatding ciangin mei hongmasa in, limtak enphot masa hi. Gul bekthamlo, gampawlkhat aom mipi zatdingin akibawl Public Toilet te ah Spy Camera akici Video zaihsimna khawngzong akithuah omthei sawnsawn hi. Gul tuk utzaw maw, Video zaihsim thuaknuamzaw 🙂  Sawltak #zomidaily