Zomi Oxygen Plant Project $120000 tawh bul panding

Zomi Oxygen Plant Project $120000 tawh bul panding

Nashville – July 15 | THE TEDIM POST – Zomi Baptist Churches America (ZBCA) in $ 120000.00 tawphahin Zomi Oxygen Plant Project lianpi khat Kawlpi pan kipan ding a, Zomi thukhual Pawlpi tuamtuamte leh mimal phatuam ngaite tawh zong pang khawmin Kawlpi bek hi loin Zomite tenna khuapite ah zong maban kizom ding hi, cih ZBCA GS Sia Paukhai tungtawnin kiza hi.

Tulaitakin Kawlpi ah Oxygen Plant 3 om a, Kawlte neih 3 hi in Mizote neih 1 ahi hi. Tedim khuapi ah zong khat om hi. Kawlpi leh Tedim a omsate pen tulaitak mipi in kinaksap lua ahih manin kicing zo mahmah lo hi. Zomi Oxygen Plant hong lawhcing leh Kalay – Kabaw huam leh Chin State adingin mipi noptuamna tampi piang ding hi, ci-in Siapa in gen hi.

Tulaitakin ZBCA sungah local Pawlpi 48 om uh a, tutung project nasep kipat pah theih nadingin ZBCA in a kisam bangin sum na vaihawm ding hi, ci hi. Geelnate kipelhna a om kei leh kha khat sungin mipi in zang thei dingin kilamen hi, ci-in ZBCA GS Sia Pau Khai in gen hi.

GS Pu in a genlaina ah Oxygen plant adingin a kisam meiset a kipan a vekpi in kihel pah hi, ci hi. Hih project pen mipihte kisap luatna hangin ZBCA OB in geelin ZBCA Gambup EC in July 14, 2021 (Wednesday) ni-in a kipsak hi, cih kiza hi. Tedim Post

ZBCA in Oxygen Plant neihding geelna nei

ZBCA mintawh tulaitak Zomi te kisap penpen ahi Oxygen thun kikna ( Oxygen Plant ) pen amanlang thei pen in neihdingin geelna kinei hi.

1. Bung 120 apia thei te hiding hi.
2. Budget pen Ks. tein 2000 ngahzawh dingin geelna kinei hi.
3. Aman lang thei penpen in vaihawm dingin hoih kisa hi.
4. Innlam ah vai hongvan sakdingin Zomi CAD te hiding hi.
5. Fund khempeuh Augt 15,2021 anungpen in kikai khawm ding hi.
6. Phualpi dingpen Kalaymyo pan kipan dinga, Fund neih dungzui in Zomi te omna khuapi te ah ki geel ding hi.
7. Akihel nuampeuh mah ki welcome ding hi.

More: Oxygen leh Pasian hu kibanglo

Zomi tampi te nuntakna hotkhiat zawhna dingin geelna ahihi. Topan geelna te hongtang tunpih zawhna dingin thungetna tawh pangkhawm ni. Thu zasak, Rev.Dr. Pau Khan Khai. General Secretary, ZBCA July 14,2021.