Malaysia, Ipoh khuasung aom Mydin Meru Shopping Mall ii Lift sungah nupa kopkhat nai 25 sungbang awkcip, pusuak khiatheilo ahih manin thabei in zawmcip uh cih theStar pan kiza hi.
Tua a awkcip nupa tepen kum atamkhin mahmah uhamkhinsa hisawnsawn uhhi. Kum 74 aphakhin Md Dahalan Baki leh kum 70 aphakhin azi Ahadiyah Zakaria te nupa ahihi.
Nung Friday zingsang 11:30am hunin Lift sungah a awkcip uh hi a, azingciang Saturday 1pm hunciang in ki honkhiatheipan cimawk hi.
Hih nupa te omna Taman Meru 2C ah Reporter pai in hih thupiang dotsawm uh a, ahi zongin thabei in zawmlua uh ahih manin, bangmah genkhiazolo uh cihi.
Saturday zingsang in hih nupa te ii atanu pen Mydin Shopping Mall ah anu apa te ading akisam vanpawlkhat aleisakding in paikha hi. Mawtaw koihna Parking Lot ah apa mawtaw amuh ciangin lamdangsa in anu apa te hih Shopping Mall ah omding cih ummawhpah hi.
Tuaciang in Lift Area ah Security Guard tetawh apai ciangin Lift sungah apa in honghuh un ci’n a aw zong hoihtak suakzolo, apa aw zakha hi.
Tuaciang in Fire and Rescue Department te kizasak in, ki honkhia theipan hi.
Lift sungpan in aki hotkhiat khitphet in thabei in gimlua mahmah uh ahih manin zato ah akibawlding in ki puaksuakpah uhhi.
Mydin Meru panin Spokesman khatin agenna ah hihvai tawh kisai in Shopping Mall sungah thukankhiatna kiciantak in kibawlding cihi.
Related: Malaysia, Johor aom Shopping Mall te ah July khapan Plastic leh Polystyrene kizang nawnloding
Hihvai tawh kisai in bangmah Statement genkhiattheih ompak kei. Ahi zongin ka Headquarters uh ahi Kuala Lumpur panin hihvai hoihtak kankhiading uh a, hongki zasakkik dinghi ci’n genkhia hi.
Hihvai tawh kisai in a awkcip nupa te ii meltheih khatinzong lungkimlo ahih manin Police Report bawlkhin hi ci’n Ipoh OCPD Asst Comm Sum Chang Keong in genkhia hi. Sawltak #zomidaily
Comment piaknop aomleh...